୧୨ଫୁଟର ଅହିରାଜ ଉଦ୍ଧାର: ଦେଖନ୍ତୁ ଭିଡ଼ିଓ

ସୋର: ୧୨ଫୁଟର ଅହିରାଜ ସାପ ଉଦ୍ଧାର ହୋଇଛି । ବାଲେଶ୍ୱର ଜିଲା ସୋର ବ୍ଲକ ଗୋପିନାଥପୁର ପଞ୍ଚାୟତ ବାଉଁଶପାଳ ଗ୍ରାମର ସୁରେନ୍ଦ୍ର ସାମଲଙ୍କ ଘରବାଡିରେ ଲାଗିଥିବା ଏକ ଜାଲରୁ ସାପଟିକୁ ଉଦ୍ଧାର କରାଯାଇଛି । ଆଜି ସକାଳେ ସାପଟି ଜାଲରେ ଫସିଥିବା ଦେଖି ସ୍ଥାନୀୟ ଲୋକେ ଔପଦା ବନ ବିଭାଗକୁ ଖବର ଦେଇଥିଲେ । ରେଞ୍ଜର ହରିହର ମାଝୀଙ୍କ ନିର୍ଦେଶରେ ବନରକ୍ଷୀ ଫୁଲମଣୀ ମୁର୍ମୁ, ସାପଧରାଳି ଦେବେନ୍ଦ୍ର ରାଉତ ଓ ତ୍ରିଲୋଚନ ମହାଳିକ ପହଞ୍ଚି ସାପକୁ ଧରିଛନ୍ତି । ସାପଟିକୁ ସୁରକ୍ଷିତ ଭାବେ ଉଦ୍ଧାର କରି କୁଲଡିହା ଅଭୟାରଣ୍ୟରେ ଛାଡି ଦେଇଥିବା ଜଣାପଡିଛି ।