ଝିଅମାନେ ନିଜ ତ୍ଵଚାକୁ ନେଇ ପ୍ରାୟତଃ ସର୍ବଦା ଚିନ୍ତିତ ରୁହନ୍ତି, କାରଣ ଋତୁ ବଦଳିବା ସଙ୍ଗେ ସଙ୍ଗେ ତ୍ଵଚାରେ ଅନେକ ପ୍ରକାର ସମସ୍ୟା ଦେଖା ଦେଇଥାଏ। ତ୍ଵଚାର ସୌନ୍ଦର୍ୟ୍ୟ ବଜାୟ ରଖିବା ଜରୁରୀ ଅଟେ। ଆସନ୍ତୁ ଜାଣିବା ସବୁ ଋତୁରେ ତ୍ଵଚା କିପରି ଯତ୍ନ ନେବା …
ଆପଣଙ୍କ ଜୀବନଶୈଳୀ ଓ ଖାଇବାପିଇବା ଆପଣଙ୍କ ତ୍ଵଚାକୁ ଅନେକ ମାତ୍ରାରେ ପ୍ରଭାବିତ କରିଥାଏ। ଫାଷ୍ଟଫୁଡ ଆପଣଙ୍କ ତ୍ଵଚାର ଚମକ ନଷ୍ଟ କରିଦିଏ। ଖାଇବାପିଇବାରେ ବିଶେଷ ଧ୍ୟାନ ଦିଅନ୍ତୁ।
ଚମକ ବଜାୟ ରଖିବା ପାଇଁ ପ୍ରତିଦିନ ଠିକ ରୂପେ ତ୍ଵଚାକୁ ସଫା କରନ୍ତୁ। ଖରାରେ ବାହାରକୁ ବାହାରିଲା ବେଳେ ମୁହଁରେ ସନସ୍କ୍ରିନ ଲୋଶନ ଲଗାନ୍ତୁ। ସବୁ ପ୍ରକାର ପନିପରିବା ଖାଆନ୍ତୁ। ଚମକ ବଢ଼ାଇବା ପାଇଁ ଆପଣ ଫେସିଆଲ ମଧ୍ୟ କରିପାରିବେ। କମ ବୟସର ଝିଅମାନେ ଫେସିଆଲ କରିବା ଅନୁଚିତ।
ଗୋଟେ ଚାମଚ ମହୁରେ ଗୋଟେ ଚାମଚ ପାଣି ମିଶାଇ ମୁହଁ ଓ ବେକରେ ଲଗାନ୍ତୁ, ଶୁଖି ଗଲା ପରେ ଭଲ ଭାବରେ ଧୋଇ ଦିଅନ୍ତୁ। ଏହାଦ୍ବାରା ମୁହଁରେ ଥିବା ଧୂଳି ବାହାରି ଯିବ।
ଡ଼େରିରେ ଶୋଇଲେ ତ୍ଵଚାରେ ଅନେକ ଦାଗ ହୋଇଥାଏ, ତେଣୁ ରାତିରେ ଶୀଘ୍ର ଶୋଇବା ଦରକାର।
ତିନୋଟି ବାଦାମ କ୍ଷୀରରେ ପକାଇ ଭିଜେଇ ଦିଅନ୍ତୁ। ବାଦାମ ଫୁଲି ଗଲା ପରେ ତାକୁ ଭଲ ଭାବରେ ପେଶି ରାତିରେ ଶୋଇବା ପୂର୍ବରୁ ମୁହଁରେ ଲଗାନ୍ତୁ। ସକାଳେ ଉଠି ମୁହଁ ଧୋଇ ଦିଅନ୍ତୁ। ଏପରି କରିବା ଦ୍ବାରା ତ୍ଵଚାର ଚମକ ବଜାୟ ରହିଥାଏ।
