୩୦ ବର୍ଷ ତଳେ ଜେଜେବାପା କିଣିଥିଲେ ୫୦୦ ଟଙ୍କାର ଅଂଶଧନ, ବର୍ତ୍ତମାନର ମୂଲ୍ୟ ଚମକାଇବ

ନୂଆଦିଲ୍ଲୀ : ସେୟାର ବଜାରରେ ନିବେଶ କେତେ ରିଟର୍ଣ୍ଣ ଦେଇଥାଏ ତାହା ଅନୁଭବୀ ଲୋକ ହିଁ ବୁଝିପାରିବେ । ଏହାର ଏକ ଜ୍ବଳନ୍ତ ଉଦାହରଣ ଏବେ ସାମ୍ନାକୁ ଆସିଛି । ଚଣ୍ଡୀଗଡର ଜଣେ ଡାକ୍ତର ନିଜ ଘରର ପୁରୁଣା ରଦ୍ଦି କାଗଜପତ୍ର ଖେଳାଉଥିବା ସମୟରେ ଅଚାନକ ତାଙ୍କ ହାତରେ ଭାରତୀୟ ଷ୍ଟେଟ୍ ବ୍ୟାଙ୍କର ଏକ ପୁରୁଣା ସେୟାର ସାର୍ଟିଫିକେଟ୍ ଲାଗିଲା ଯାହା ତାଙ୍କ ଜେଜେବାପା ରଖିଥିଲେ । କିନ୍ତୁ ଯେବେ ସେ ଏହାକୁ ହିସାବର କଲେ ସେ ଆଶ୍ଚର୍ଯ୍ୟ ହୋଇଗଲେ । ୩୦ ବର୍ଷ ତଳେ ତାଙ୍କ ଜେଜେବାପା ଷ୍ଟେଟ୍ ବ୍ୟାଙ୍କର ୫୦୦ ଟଙ୍କାର ଅଂଶଧନ କିଣିଥିଲେ ଯାହା କି ଏବେ ୭୫୦ ଗୁଣା ବଢିଛି ।

The power of holding equity 😊

My Grand parents had purchased SBI shares worth 500 Rs in 1994.
They had forgotten about it. Infact they had no idea why they purchased it and if they even hold it.

I found some such certificates while consolidating family’s holdings in a… pic.twitter.com/GdO7qAJXXL

— Dr. Tanmay Motiwala (@Least_ordinary) March 28, 2024

ଡା. ତନ୍ମୟ ମୋତିଓ୍ବାଲାଙ୍କ ଅନୁସାରେ ତାଙ୍କ ଜେଜେବାପା ୧୯୯୪ ମସିହାରେ ୫୦୦ ଟଙ୍କାର ଏସବିଆଇ ସେୟାର କିଣିଥିଲେ ଯାହା ହୁଏତ ସେ ପରେ ଭୁଲିଯାଇଥିବେ । ତେବେ ସେ ସମୟର ସେହି ନିବେଶର ମୂଲ୍ୟ ଏବେ ବହୁତ ପରିବର୍ତ୍ତନ ହୋଇସାରିଛି । କାରଣ ସେହି ୫୦୦ ଟଙ୍କା ମୂଲ୍ୟର ଅଂଶଧନର ଦାମ୍ ଏବେ ୩.୭୫ ଲକ୍ଷ ଟଙ୍କା । ଅର୍ଥାତ୍ ୩ ଦଶକରେ ଏହା ୭୫୦ ଗୁଣା ବଢିସାରିଛି । ସାମାଜିକ ଗଣମାଧ୍ୟମ ପ୍ଲାଟଫର୍ମ ଏକ୍ସରେ ସେ ଏନେଇ ସୂଚନା ସେୟାର କରିଛନ୍ତି ।

ରାସ୍ତା ମଝିରେ ଗାଡି ଥୋଇ ରିଲ୍ କରିବା ପଡିଲା ମହଙ୍ଗା, କଟିଲା ଏତେ ଟଙ୍କାର ଚାଲାଣ

ସେ ଲେଖିଛନ୍ତି କି ‘ଏତେ ଲୋକ ପଚାରୁଛନ୍ତି କି ବର୍ତ୍ତମାନ ଏହାର ମୂଲ୍ୟ କେତେ ? ଲାଭାଂଶକୁ ଛାଡି ଏହା ପ୍ରାୟ ୮.୭୫ ଲକ୍ଷ ଟଙ୍କା । କୌଣସି ବଡ ରାଶି ନୁହେଁ, କିନ୍ତୁ ୩୦ ବର୍ଷରେ ୭୫୦ ଗୁଣା । ବାସ୍ତବରେ ଏହା ଏକ ବଡ ରାଶି ।’