ଫୁଲବାଣୀ: ପାଢ ପଢିଲୁ କିନ୍ତୁ ଚାକିରି ମିଳୁନାହିଁ। ଗତ ୨୦୧୪ ମସିହା ପରଠାରୁ କନ୍ଧମାଳ ଜିଲାରେ ସରକାରୀ ଉଚ୍ଚ ବିଦ୍ୟଳୟ ତଥା ଅନ୍ୟ ସରକାରୀ ଅନୁଦାନପ୍ରାନ୍ତ ବିଦ୍ୟାଳୟ ଗୁଡ଼ିକରେ ସଂସ୍କୃତ ଶିକ୍ଷକ ନିଯୁକ୍ତି ହୋଇନାହାନ୍ତି। ଏଭଳି ସ୍ଥଳେ ଆବଶ୍ୟକ ଶିକ୍ଷକ ଯୋଗ୍ୟତା ପରୀକ୍ଷାରେ କୃତିତ୍ୱ ଅର୍ଜନ କରିଥିଲେ ମଧ୍ୟ ଅନେକ ଯୋଗ୍ୟ ଆଶାୟୀ ଶିକ୍ଷକ ଓ ଶିକ୍ଷୟତ୍ରୀ ନିଜ ଅଧିକାର ପାଇବାରୁ ବଂଚିତ ହେଉଛନ୍ତି। ବୃତ୍ତି ଅଭାବରୁ ପରିବାର ଚଳାଇବା କଷ୍ଟକର ହୋଇ ଗଲାଣି। ଅତ୍ୟନ୍ତ ଅଭାବ ଅନାଟଟରେ କାଳତିପାତ କରୁଛନ୍ତି ପରିବାର ଲୋକେ। ତୃତୀୟ ଭାଷା ସ୍ଥାନରେ ଆଇଟି ଓ ଭୋକେସନାଲକୁ ନରଖି ପୂର୍ବ ନିୟମ ଆଧାରିତ ସଂସ୍କୃତ ଶିକ୍ଷକଙ୍କ ନିଯୁକ୍ତି ପ୍ରଦାନ କରାଯାଉ। ସଂସ୍କୃତ ଭାଷା ଭାରତୀୟ ସଂସ୍କୃତିର ମୂଳଧାର ଅଟେ। ଏହର ଗୌରବ ରକ୍ଷା କରି ଏହି ଭାଷାକୁ ବାଧ୍ୟତା ମୂଳକ ଭାଷାରେ ମାନ୍ୟତା ଦେବା ପାଇଁ ଦାବିକରାଯାଇଛି। ଏହି ସମସ୍ୟାର ସମାଧାନ କରାନଗଲେ ଗରେ ଭୋକ ଉପାସରେ ମୃତ୍ୟୁବରଣ କରିବା ଅପକ୍ଷୋ ଆମରଣ ଅନଶନ କରିବା ଶ୍ରେୟ ମଣିବୁ ବୋଲି ଉଲ୍ଲେଖ କରାଯିବା ସହିତ ୬ ଦଫା ଦାବିନେଇ ଏକ ଦାବିପତ୍ର କନ୍ଧମାଳ ଜିଲା ପ୍ରଶାସନକୁ ପ୍ରଦାନ କରାଯାଇଛି। ଦାବି ଗୁଡ଼ିକ ମଧ୍ୟରେ, ନୂତନ ରାଷ୍ଟ୍ରିୟ ଶିକ୍ଷାନୀତି-୨୦୨୦ ଅନୁଯାୟୀ ସଂସ୍କୃତ ଭାଷାକୁ ବାଧ୍ୟତା ମୂଳକ କରିବା, ଶିକ୍ଷଶାସ୍ତ୍ରୀ ଉତ୍ତିର୍ଣ୍ଣ ହୋଇ ଘରେ ବେକାର ଥିବାଙ୍କୁ ନିଯୁକ୍ତି ପାଇଁ ପଦକ୍ଷେପ ନେବା, ଓଡ଼ିଶା ଆଦର୍ଶ ବିଦ୍ୟାଳୟ ଗୁଡ଼ିକରେ ସଂସ୍କୃତ ଶିକ୍ଷକଙ୍କ ନିଯୁକ୍ତି ଦେବା ଭଳି ଦାବି କରାଯାଇଛି। ସଂସ୍କୃତରେ ଶିକ୍ଷାଶାସ୍ତ୍ରୀ ଉତ୍ତିଣ୍ଣ ହୋଇଥିବା ଚିତ୍ତ ରଂଜନ ସାହୁ, ମିହିର କାନ୍ତ ପ୍ରଧାନ, ରାଜକିଶୋର ଦାସ, କୃଷ୍ଣ ଚନ୍ଦ୍ର କହଁର, ରବିନ୍ଦ୍ର ପ୍ରଧାନଙ୍କ ଭଳି ବହୁ ଯୁବକ ଚାକିରି ପାଇଁ ଦାବି କରି ଏହି ଦାବିପତ୍ର ପ୍ରଦାନ କରିଥିଲେ।
Popular Categories
Previous article
Next article