ଗିରିଡିହ(ଝାଡ଼ଖଣ୍ଡ) : ଝାଡ଼ଖଣ୍ଡର ଗିରିଡିହ ଜିଲ୍ଲାରେ ନକ୍ସଲ୍ ଦମନ ଅଭିଯାନ ସମୟରେ ମାଓବାଦୀମାନଙ୍କଠାରୁ ମିଳିଥିବା ଶହ ଶହ ସଂଖ୍ୟାରେ ଆଧାର କାର୍ଡ଼ ଓ ଅନ୍ୟ କାଗଜପତ୍ରଗୁଡ଼ିକୁ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ) ଯାଞ୍ଚ୍ କରିବ । ଏନଆଇଏ ଦ୍ୱାରା ଏହି ଘଟଣାର ତଦନ୍ତ ପାଇଁ ଝାଡ଼ଖଣ୍ଡ ସରକାର ସୁପାରିଶ କରିଛନ୍ତି । ରାଜ୍ୟ ପୁଲିସ୍ ଉପମହାନିର୍ଦ୍ଦେଶକ ଆର୍.କେ. ମଲ୍ଲିକ୍ କହିଛନ୍ତି, ନକ୍ସଲ୍ ଦମନ ସମୟରେ ମିଳିଥିବା ଏକ ୧୧୨୫ଟି ଆଧାର କାର୍ଡ଼, ୬୦ଟି ଏଟିଏମ୍ କାର୍ଡ଼ ଓ ୨୦୦ଟି ବ୍ୟାଙ୍କ୍ ଆକାଉଣ୍ଟ ସମ୍ପର୍କିତ କାଗଜପତ୍ର ଜବତ ହୋଇଥିଲା । ଗତ ମାସରେ ଏହି ନକ୍ସଲ୍ ଦମନ ଅଭିଯାନ ସମୟରେ ସୁନୀଲ ସୋରେନ ସମେତ ୧୫ ଜଣ ମାଓବାଦୀ ଗିରଫ ହୋଇଥିଲେ । ସୁନୀଲ ନାମରେ ସରକାରଙ୍କ ପ୪ରୁ ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା । ସେହିପରି ସବ୍ ଜୋନାଲ କମାଣ୍ଡର ଶେଖର ଓରଫ ର୍ଚ୍ଚାଲି ଏବଂ ସୋହନ ମାଂଝୀ ଗିରଫ ହୋଇଥିଲେ। ରାଜ୍ୟ ପୁଲିସ୍ ଓ ସିଆରପିଏଫ୍ର ମିଳିତ ନକ୍ସଲ ଦମନ ଅଭିଯାନ ଫଳରେ ରାଜ୍ୟରେ ମାଓବାଦୀଙ୍କ ସଂଖ୍ୟା ଆଶାତୀତ ଭାୋବ ହ୍ରାସ ପାଇଛି ଶ୍ରୀ ମଲ୍ଲିକ୍ କହିଛନ୍ତି ।
