ପିପିଲି : ପିପିଲିରେ ବିଜେପିର ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଏହି ଅବସରରେ ଶୁକ୍ରବାର ଅପରାହ୍ନରେ ଜଗନ୍ନାଥପୁର ଠାରେ ଅନୁଷ୍ଠିତ ସାଧାରଣ ସଭାରେ ମୁଖ୍ୟଅତିଥି ଭାବେ ଦଳର ବରିଷ୍ଠ ନେତା ତଥା ରାଜ୍ୟ ବିଜେପିର ମୁଖପାତ୍ର ସଜ୍ଜନ ଶର୍ମା, ଜିଲା ସଭାପତି ପ୍ରଭଞ୍ଜନ ମହାପାତ୍ର, ଜିଲା ଉପସଭାପତି ଜନ୍ମେଜୟ ଜେନା, ବରିଷ୍ଠ ଯୁବନେତା ଆଶ୍ରୀତ ପଟ୍ଟନାୟକ, କୃଷକ ମୋର୍ଚ୍ଚା ସଭାପତି ଅଜୟ ପ୍ରଧାନ, ଡାକ୍ତର ନବକିଶୋର ରାଉତ, ଡାକ୍ତର ଚିନ୍ମୟ ମହାପାତ୍ର ପ୍ରମୁଖ ଯୋଗଦେଇ ଉଦ୍ବୋଧନ ଦେଇଥିଲେ । ଆଗାମୀ ଦିନରେ ବିଜେପିର ଆଦର୍ଶ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱପ୍ନ ଓ ବିକାଶ କଥାକୁ ଘରେ ଘରେ ପହଞ୍ଚାଇ ଦଳକୁ ମଜବୁତ୍ କରିବା ପାଇଁ ଏହି ଅବସରରେ ସମସ୍ତେ ସଂକଳ୍ପ ନେଇଥିଲେ । ଯୁବନେତା ବାଉରୀବନ୍ଧୁ ସେଠୀ ଅତିଥି ପରିଚୟ ପ୍ରଦାନ କରିଥିବା ବେଳେ ଉପସଭାପତି ନରେନ୍ଦ୍ର ବିଶ୍ୱାଳ ସ୍ୱାଗତ ଭାଷଣ ଓ ସାଧାରଣ ସଂପାଦକ ପ୍ରସନ୍ନ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ । ଦାଣ୍ଡମୁକୁନ୍ଦପୁର ମଣ୍ଡଳ ସଭାପତି ସୁଧିର ବିଶ୍ୱାଳ ମଞ୍ଚ ପରିଚାଳନା କରିଥିଲେ । ସମସ୍ତ କାର୍ଯ୍ୟକ୍ରମକୁ ମଣ୍ଡଳ ଯୁବମୋର୍ଚ୍ଛା ସଭାପତି ସଦାଶିବ ପରିଡା, ମହିଳାମୋର୍ଚ୍ଛା ସଭାନେତ୍ରୀ ମମତା ବେହେରା, ଦେବାଶିଷ ଦିକ୍ଷିତ, ଯୁବନେତା ଭବାନୀ ଶଙ୍କର ସାହୁ, ସୁଧାଂଶୁ ଶେଖର ପରିଡା, ଶ୍ୱେତ କୁମାର ନାୟକ, ଦିଲିପ ଧାଉଡିଆ, ମମତା ମହାନ୍ତି ପ୍ରମୁଖ ପରିଚାଳନା କରିଥିଲେ ।
