ସବୁଦିନ ଆମେ ରୁଟି କଲା ବେଳେ ସେହି ନିର୍ଦ୍ଦିଷ୍ଟ ପ୍ରଣାଳି ଓ ଧାରାରେ ରୁଟି କରିଚାଲିଛେ। ସେଥିରେ କେବେ ପରିବର୍ତ୍ତନ ଆଣିବା ଚିନ୍ତା ଆମ ମୁଣ୍ଡରେ ଢୁକି ନଥାଏ। ତେବେ ରୁଟିକୁ ଆଉ ଟିକେ ସ୍ୱାଦିଷ୍ଟ ଓ ରୁଚିପୂର୍ଣ୍ଣ କରିବା ପାଇଁ ଆମେ ନିମ୍ନୋକ୍ତ ପ୍ରକାରେ ରୁଟିକୁ ବି ତିଆରି କରିପାରିବା।
– ରୁଟି ବେଲିବା ସମୟରେ ଅଟା ବଦଳରେ ମଇଦା ବ୍ୟବହାର କଲେ ରୁଟି ଅଧିକ ସଫେଦ ଓ ସୁନ୍ଦର ହେବ।
– ଗହମ ଅଟାରେ ଅଳ୍ପ କିଛି ଚାଉଳ ଅଟା ମିଶାଇ ଚକଟିଲେ ରୁଟି ହଲ୍କା ଓ ସୁପାଚ୍ୟ ହେବ।
– ବେଳେବେଳେ ପାଣିରେ ଅଟା ନ ଚକଟି କ୍ଷୀର, ଦହି, ପାଚିଲା କଦଳୀ, ସିଝା ଆଳୁ ଦେଇ ଚକଟନ୍ତୁ। ଏହା ରୁଟିକୁ ଅଧିକ ସ୍ୱାଦଯୁକ୍ତ କରାଇବା ସହିତ ପୌଷ୍ଟିକତା ମଧ୍ୟ ପ୍ରଦାନ କରିବ।
– ଗହମ ଅଟାରେ ବେସନ, ସୋୟାବିନ୍ ଅଟା, ଯଅ ଅଟା ଆଦି ମିଶାଇ କଲେ ରୁଟିର ସ୍ୱାଦ ବଦଳିବା ସହିତ ଅଧିକ ସ୍ୱାଦିଷ୍ଟ ହୋଇଥାଏ।
– ପିଲାମାନଙ୍କ ପାଇଁ ରୁଟି କଲା ବେଳେ ଗୋଲ ନକରି ଅନ୍ୟାନ୍ୟ ଆକୃତିର ଯେମିତି ପତ୍ର, କୌଣସି ଫୁଲ, କାର୍ଟୁନ୍ ଆକାରର କରନ୍ତୁ। ପିଲାମାନେ ଏହାକୁ ଦେଖି ଖୁସିରେ ଖାଇବେ।
– ବଡ଼ ବଡ଼ ଜାଲି ଥିବା ଚଲାରେ ଅଟା ଚଲାନ୍ତୁ। ଏଥିରେ ଅଟା ସହିତ ଚୋକଡ଼ ବି ଗଳିଯିବ। ସେଥିରେ ରୁଟି କରନ୍ତୁ। ପାଚିଲା ଆମ୍ବ ସହିତ ରୁଟି ଖାଆନ୍ତୁ। ଭଲ ଲାଗିବ। ତେବେ ଅଟାରେ ଲୁଣ ପକାଇବାକୁ ଭଲନ୍ତୁ ନାହିଁ।
ଏମିତି ବନାନ୍ତୁ ସ୍ୱାଦିଷ୍ଟ ରୁଟି
Popular Categories
Previous article
Next article