ସମାଜ ଡିଜିଟାଲ ଡେସ୍କ: ଯଦି ଆପଣ ସମ୍ପୂର୍ଣ୍ଣ ନିରାମିଷ ଏବଂ ପ୍ରତିଦିନ ସେହି ପନିପରିବା ଖାଇ ବିରକ୍ତ ହୋଇଗଲେଣି, ତେବେ ଆଜି ଆପଣଙ୍କ ପାଇଁ ଏକ ସ୍ୱଦିଷ୍ଟ ଖାଦ୍ୟ ସମ୍ପର୍କରେ ଜଣାଉଛୁ । ପନିପରିବାକୁ ଛାଡି ଆପଣଙ୍କ ପାଇଁ ଏକ ବିକଳ୍ପ ହେଉଛି ପନିର । ଆପଣ ପ୍ରାୟତଃ ମଟର ପନିର, ପାଲକ ପନିର, ଶୁଖିଲା ପନିର, କିମ୍ବା ପନିର ଟକ୍କା ଖାଇଥିବେ । ତେବେ ଆଜି ଜାଣିବା ପନିର ମଲାଇ ରୋଷେଇ ସମ୍ପର୍କରେ । ଏହାକୁ ଆପଣ ମାତ୍ର ୧୫ମିନିଟରେ ତିଆରି କରିପାରିବେ ଏବଂ ରୁଟି ଓ ଭାତ ସହିତ ଖାଇପାରିବେ । ଯଦି ଘରେ କିଛି ପନିପରିବା ନାହିଁ, ହଠାତ୍ କୌଣସି ଅତିଥି ଘରକୁ ଆସିଛନ୍ତି ତେବେ ହଠାତ ପନିରରେ ଏହି ରେସିପି ପ୍ରସ୍ତୁତ କରି ପରିଷି ପାରିବେ । ମଲାଇ ପନିର ତିଆରି କରିବାକ ମୋଟ ସମୟ ୧୫ମିନିଟ ଲାଗିବ ।
ମଲାଇ ପନିର ପାଇଁ ଆବଶ୍ୟକୀୟ ସାମଗ୍ରୀ
୨୦୦ ଗ୍ରାମ ପନିର
୧ ଟମାଟୋ, କଟା
୧ ପିଆଜ, କଟା
୧ କ୍ୟାପସିକମ୍, କଟା
୨ ଚାମଚ ଘିଅ
୧/୨ ଚାମଚ ଜିରା
୩-୪ଟି ସବୁଜ କଞ୍ଚାଲଙ୍କା
୨ ଇଞ୍ଚର ଡାଲଚିନି ଷ୍ଟିକ୍
୨-୩ ଲବଙ୍ଗ
୧/୨ କପ୍ ଦହି
୧/୪ କପ୍ କ୍ରିମ୍
୧ ଚାମଚ କସ୍ତୁରୀ ମେଥି
୧ ଚାମଚ କଳା ଗୋଲମରିଚ ପାଉଡର
୧ ଚାମଚ ଗରମ ମସଲା
୧ ଚାମଚ ଅଦା-ରସୁଣ ପେଷ୍ଟ
ସ୍ୱାଦ ଅନୁସାରେ ଲୁଣ
ମଲାଇ ପନିର କିପରି ତିଆରି କରିବେ
ପ୍ରଥମେ ପନିରକୁ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ। ଅଦା-ରସୁଣ ପେଷ୍ଟ ଏବଂ ସମସ୍ତ ପେଷା ମସଲା ପକାଇ ଭଲ ଭାବରେ ମିଶାନ୍ତୁ। ଏକ ପ୍ୟାନରେ ଘିଅ ଗରମ କରନ୍ତୁ। ଲବଙ୍ଗ, ଡାଲଚିନି, କଞ୍ଚାଲଙ୍କା ଏବଂ ଜିରା ଭଳି ସମସ୍ତ ମସଲା ପକାଇ ଫଟାନ୍ତୁ। ପନିର ପକାଇ ଭଲ ଭାବରେ ମିଶାନ୍ତୁ। ପିଆଜ, ଟମାଟୋ ଏବଂ ଗୋଲମରିଚ ଭଳି କଟା ପନିପରିବା ପକାନ୍ତୁ। ଗୋଟିଏ ମିନିଟ୍ ପାଇଁ ରାନ୍ଧନ୍ତୁ, ତା’ପରେ ଗରମ କମ କରନ୍ତୁ ଏବଂ ଦହି ଏବଂ କ୍ରିମ୍ ପକାନ୍ତୁ। ଆପଣ ଚାହିଁଲେ ଅଳ୍ପ ପାଣି ଦେଇପାରିବେ। ଶେଷରେ, କସ୍ତୁରୀ ମେଥି ପକାନ୍ତୁ। ସ୍ୱାଦିଷ୍ଟ ମଲାଇ ପନିର ପ୍ରସ୍ତୁତ। ରୋଟି କିମ୍ବା ପରଟା ସହିତ ପରିବେଷଣ କଲେ ଏହା ବିଶେଷ ସ୍ୱାଦିଷ୍ଟ।
