ପାଟଣା : ଜିଲ୍ଲାର ଲାଇଫ ଲାଇନ୍ କୁହାଯାଉଥିବା ୨୦ ନମ୍ବର ଜାତୀୟ ରାଜପଥ ଏବେ ଫେରି ଆସିଛି ସେଇ ପୁରୁଣା ଦିନର ୨୧୫ ନଂ ରାଜରାସ୍ତାର ଦୁରାବସ୍ତା ଚିତ୍ର। ଆଜି ପିପିଳିଆ ଅଣ୍ଡରପାସ ନିକଟ ଖାଲରେ ଏକ ଲୁହାପଥର ବୋଝେଇ ଟ୍ରକ ଗାଢରେ ପଡି ଲାଖି ରହିଥିଲା । ଟ୍ରକ ନ ଉଠିବାରୁ ରାସ୍ତା ଜାମ ହୋଇଯାଇଥିଲା । ପିପିଳିଆ ଛକ ଠାରୁ ଚାନ୍ଦପଶି ଛକ ମଧ୍ୟରେ ରାସ୍ତା ମଝିରେ ବଡ ବଡ ଖାଲମାଲ ସୃଷ୍ଟି ହୋଇଛି । ଯାହାଫଳରେ ଯାନବାହାନ ଚଳାଚଳ ସମ୍ପୂର୍ଣ୍ଣ ବ୍ୟାହତ ହେବାରେ ଲାଗିଛି । ଆଜି ସକାଳୁ ରାତିସାରା ଜାମରେ ଶହ ଶହ ଟ୍ରକ, ବସ ଓ ଛୋଟ ଯାନ ମାନ ଅଟକି ରହିଥିବା ଦେଖିବାକୁ ମିଳିଛି । ପିପିଳିଆ ଘାଟିମଙ୍ଗଳା ମନ୍ଦିର ନିକଟ ହାତୀ ଅଣ୍ଡରପାସ ଓଭରବ୍ରିଜ କଡ ରାସ୍ତା ବର୍ଷାରେ ଧୋଇ ନେବାରୁ ଦୁଇଟି ଗାଡି ଯିବାଆସିବା ସମ୍ଭବପର ହୋଇ ପାରୁନାହିଁ । ଗୋଟିଏ ଲାଇନର ଗାଡି ଗଡିଲେ ଅନ୍ୟ ଲାଇନର ଗାଡି ରାସ୍ତାରେ ଅଟକି ରହୁଛି।
Comments are closed.