ନୂଆଦିଲ୍ଲୀ : ସାଉଥ ଆଫ୍ରିକା କ୍ରିକେଟ ଦଳର ୩୬ ବର୍ଷିୟ ବ୍ୟାଟ୍ସମ୍ୟାନ ହାସିମ ଆମ୍ଲା ଗୁରୁବାର ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି । ହାସିମ ଆମ୍ଲା ୧୫ ବର୍ଷ କାଳ ଅନ୍ତର୍ଜାତୀୟ କ୍ରିକେଟ ଖେଳିଛନ୍ତି । ସେ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ୩୪୯ଟି ମ୍ୟାଚ୍ ଖେଳି ୧୮୬୭୨ ରନ୍ କରିଛନ୍ତି । ଯେଉଁଥିରେ ତାଙ୍କର ୫୫ଟି ଶତକ ଓ ୮୮ଟି ଅର୍ଦ୍ଧଶତକ ସାମିଲ ରହିଛି । ଆମ୍ଲା ତାଙ୍କର ଅନ୍ତର୍ଜାତୀୟ କ୍ୟାରିୟରେ ୧୨୪ଟି ଟେଷ୍ଟ ମ୍ୟାଚ୍ ଖେଳି ୪୬.୬୪ ଆଭରେଜରେ ୯,୨୮୨ ରନ୍ କରିଛନ୍ତି ଯେଉଁଥିରେ ତାଙ୍କର ୨୮ଟି ଶତକ ଓ୪ଟି ଦ୍ୱିଶତକ ସାମିଲ ରହିଛି । ସେହିଭଳି ୧୮୧ଟି ଏକଦିବସୀୟ ମ୍ୟାଚ ଖେଳି ୪୯.୪୬ ଆଭରେଜ ଏବଂ ୨୭ଟି ଶତକ ବଳରେ ୮,୧୧୩ ରନ କରିଛନ୍ତି। ଏବଂ ୪୪ଟି ଟ୍ୱେଣ୍ଟି-୨୦ମ୍ୟାଚରେ ୧,୨୭୭ ରନ କରିଛନ୍ତି । ସନ୍ନ୍ୟାସ ପରେ ସେ ଘରୋଇ କ୍ରିକେଟ ଏବଂ ମାଞ୍ଜି ସୁପର ଲିଗ୍ ଖେଳିବେ ନେଇ ଟୁଇଟରରେ ଜଣାଇଛନ୍ତି ।
Popular Categories
Previous article
Next article