ରେଙ୍ଗାଲିକ୍ୟାମ୍ପ: ଅସମ୍ପୂର୍ଣ୍ଣ ତଥା ତ୍ରୁଟିପୂର୍ଣ୍ଣ ୫୩ନଂ ମୁଖ୍ୟ ଜାତୀୟ ରାଜପଥ ବରଗଡ଼-ସମ୍ବଲପୁରୱେରେ ସକାଳ ପାହିଲେ ଦୁର୍ଘଟଣା ଯେମିତି ସାଧାରଣ ହୋଇଯାଇଛି। ଅତାବିରା ଥାନା ଅନ୍ତର୍ଗତ ଦମଦମା ବ୍ରିଜ ନିକଟରେ ଭୋର ୪ଟାରେ ପଥର ବୋଝେଇ ଟ୍ରକ ବରଗଡ଼ରୁ ସମ୍ବଲପୁର ଅଭିମୁଖେ ଯାଉଥିବା ସମୟରେ ଉକ୍ତ ୱେରେ ଏକ ମାଲ ବୋଝେଇ ଟ୍ରକ ଓଭରଟେକ କରୁଥିବା ସମୟରେ ନିକଟରେ ଯାଉଥିବା ଟ୍ରକକୁ ଧକ୍କା ଦେବା ଫଳରେ ଗାଡିଟି ଡିଭାଇଡରକୁ ଚଢ଼ି ଯାଇ ଉଭୟ ଟ୍ରକର ଚକ ଫାଟି ଯାଇ ଗାଡି ଦ୍ବୟ ରାଜପଥ ଉପରେ ଅଟକି ରହିଥିଲା। ଅଳ୍ପକେ ଚାଳକ ଓ ଯିବା ଆସିବା ଲୋକେ ବର୍ତ୍ତି ଯାଇଥିଲେ। ଏପରିକି ଦୀର୍ଘ ସମୟ ଧରି ରାଜପଥ ଉପରେ ଦୁର୍ଘଟଣା ଗ୍ରସ୍ତ ଗାଡି ଦ୍ବୟ ରହିଥିବା ବେଳେ ରାଜପଥରେ ଗାଡି ଚଳାଚଳ ତଥା ପଥଚାରୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଥିଲା।
Comments are closed.