ଆଠଗଡ଼ : ଆଠଗଡ଼ ହିନ୍ଦୁ ସୁରକ୍ଷା ମଞ୍ଚ ପକ୍ଷରୁ ଚୈତ୍ର ଶୁକ୍ଳ ପ୍ରତିପଦରେ ରାଷ୍ଟ୍ରୀୟ ନବବର୍ଷ ପାଳନ କରାଯାଇଛି। ଏହି ଅବସରରେ ଖୁଣ୍ଟୁଣୀ ଗାନ୍ଧୀ ପଡିଆ ଠାରୁ ଏକ ବିରାଟ ମଟରସାଇକେଲ ଶୋଭାଯାତ୍ରା ବାହାରି ଆଠଗଡ଼ ବୀରକିଶୋର ପୁର ଗୋଲେଇ ଛକ ଠାରେ ପହଞ୍ଚିଥିଲା । ବାସନ୍ତୀକ ଦୁର୍ଗାପୂଜା ନବରାତ୍ରିର ଆରମ୍ଭ ତଥା ରାଷ୍ଟ୍ରୀୟ ସ୍ଵୟଂସେବକ ସଂଘର ପ୍ରତିଷ୍ଠାତା ଡଃ କେଶଵରାମ ହେଡଗେୟାରଙ୍କ ଜନ୍ମଦିନ ଓ ହିନ୍ଦୁ ନବବର୍ଷ ଵା ରାଷ୍ଟ୍ରୀୟ ନବବର୍ଷ ପାଳନ ଅବସରରେ ଏହି ଶୋଭାଯାତ୍ରାର ଆୟୋଜନ କରାଯାଇଥିଲା। ଅନେକ ସ୍ଥାନରେ ଲୋକମାନେ ଘର ଆଗରେ ଝୋଟି, ଚିତା ପକାଇ ଆମ୍ବ ତୋରଣ ଏବଂ କଳସ ରଖି ମିଠା ବାଣ୍ଟି ଏହି ନୂତନ ବର୍ଷ ପାଳନ କରୁଥିବା ଦେଖିବାକୁ ମିଳିଥିଲା । ମଞ୍ଚର ସଭାପତି ତପନ କୁମାର ଲେଙ୍କାଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ରାମନାରାୟଣ ମହାନ୍ତି, ବ୍ରଜେନ୍ଦ୍ର କୁମାର ରାୟ, ରାକେଶ ମହାନ୍ତି, ମିଥୁନ ମଲ୍ଲିକ, ରଞ୍ଜନ ସେନାପତି, ବିକ୍ରମ ଦାଶ, ଅଶୋକ କୁମାର ନାୟକ, ମହେଶ୍ୱର ଲେଙ୍କା, ଅଶ୍ଵିନୀ ସାହୁ, ବଳରାମ ରାଉତ, ସନାତନ ଲେଙ୍କା, ସମୀର ପ୍ରଧାନ ପ୍ରମୁଖ ଶତାଧିକ ଯୁବକ ସାମିଲ ହୋଇଥିଲେ।
Comments are closed.