ମୁୁମ୍ବଇ : ଆଲିଆଙ୍କ ଅଭୀନିତ ଚଳଚ୍ଚିତ୍ର ‘ରାଜି’ ବକ୍ସ ଅଫିସ୍ କାରବାର ୧୭ ଦିନରେ ୧୦୦ କୋଟି ଟଙ୍କା ପାର କରିଛି। ମଇ ୧୧ରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର ରବିବାର ଅର୍ଥାତ ମଇ ୨୭ ସୁଦ୍ଧା ୧୦୨.୫୦ କୋଟି ଟଙ୍କା ଆୟ କରିଛି। ମୁକ୍ତିଲାଭର ପ୍ରଥମ ଦିନ ‘ରାଜି’ ୭.୫୩ କୋଟି ଟଙ୍କା ଆୟ କରିଥିଲା। ଉଲ୍ଲେଖ ଯେ ହିନ୍ଦୀ ଚଳଚ୍ଚିତ୍ର ଜଗତରେ ଚୁଲବୁଲି ନାୟିକା ଭାବରେ ପରିଚିତ ଆଲିଆ ଭଟ୍ଟ କରଣ ଜୋହରଙ୍କ ନିର୍ଦେଶିତ ‘ଷ୍ଟୁଡେଣ୍ଟ ଅଫ ଦ ଇୟର’ ଚଳଚ୍ଚିତ୍ରରୁ ନିଜ ସିନେମା ଜୀବନ ଆରମ୍ଭ କରିଥିଲେ। ଚଳଚ୍ଚିତ୍ରଟି ଲୋକପ୍ରିୟ ହେବା ସହ ଭଲ ବ୍ୟବସାୟ କରିଥିଲା। ଏହାପରେ ତାଙ୍କ ଅଭୀନିତ ଚଳଚ୍ଚିତ୍ର ‘ବଦ୍ରିନାଥ କି ଦୁଲହ୍ନିୟା’, ‘ଟୁ ଷ୍ଟେଟସ’ ୧୦୦କୋଟି ବ୍ୟବସାୟ କରିଥିଲା। ମେଘନା ଗୁଲଜରଙ୍କ ନିର୍ଦ୍ଦେଶିତ ‘ରାଜି’ରେ ଆଲିଆ ଜଣେ ଭାରତୀୟ ଗୁପ୍ତଚର ଭୂମିକାରେ ଅଭିନୟ କରିଛନ୍ତି। ତାଙ୍କ ବିପକ୍ଷରେ ପାକିସ୍ତାନର ଜଣେ ସେନା ଅଧିକାରୀ ଭାବେ ଭିକି କୈାଶଲ ଅଭିନୟ କରିଛନ୍ତି।। ୧୦୨.୫୦ କୋଟି ଆୟ ସହ ରାଜି ଚଳିତ ବର୍ଷର ୧୦୦ କୋଟି ଟଙ୍କିଆ ଚଳଚ୍ଚିତ୍ର କ୍ଲବ୍ରେ ସାମିଲ ହୋଇଛି।
