ଭୁବନେଶ୍ୱର: ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଅନ୍ତର୍ଗତ ଗ୍ରାମୀଣ ଗୃହ ନିର୍ମାଣର ବିଭିନ୍ନ କାର୍ଯ୍ୟକ୍ରମରେ କାର୍ଯ୍ୟରତ ଆଉଟ୍ସୋର୍ସିଙ୍ଗ୍ କର୍ମଚାରୀଙ୍କୁ ଶୀଘ୍ର ମିଳିବ ବକେୟା ଦରମା । ଏ ସଂକ୍ରାନ୍ତରେ ରାଜ୍ୟ ସରକାରଙ୍କ ଜରୁରୀ ହସ୍ତକ୍ଷେପ ଯୋଗୁ ବୁଧବାର କେନ୍ଦ୍ର ସରକାରଙ୍କ ପକ୍ଷରୁ ୨୨୫ କୋଟି ବକେୟା ଟଙ୍କା ଦିଆଯିବା ନେଇ ତ୍ୱରିତ ପଦକ୍ଷେପ ନିଆଯାଇଛି । ପ୍ରକ୍ରିୟାଗତ ବିଳମ୍ବ ଯୋଗୁ ବକେୟା ଥିବା ପ୍ରାୟ ୭୦୦ ଜଣ ଆଉଟ୍ସୋର୍ସିଙ୍ଗ କର୍ମଚାରୀଙ୍କ ଦରମା ଏହା ପରେ ଶୀଘ୍ର ଦିଆଯିବ ବୋଲି ବିଭାଗ ପକ୍ଷରୁ ସୂଚିତ କରାଯାଇଛି । ସୂଚନାଯୋଗ୍ୟ, କର୍ମଚାରୀମାନଙ୍କୁ ଦରମା ମିଳି ନ ଥିବାବେଳେ ‘୭ମାସ ହେଲା ବିନା ଦରମାରେ ଖଟୁଛନ୍ତି ୭୦୦ କର୍ମଚାରୀ’ ଶୀର୍ଷକ ଖବର ବୁଧବାର ସମାଜ ଖବରକାଗଜରେ ପ୍ରକାଶ ପାଇଥିଲା।
Popular Categories
Previous article
Next article