ଡେସ୍କ: ମାର୍ଚ୍ଚ ମାସ ଯାଏଁ ଅଯୋଧ୍ୟା ରାମ ମନ୍ଦିର ଦର୍ଶନ ପାଇଁ ନ ଯିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ କ୍ୟାବିନେଟ ମନ୍ତ୍ରୀମାନଙ୍କୁ ଅନୁରୋଧ କରିଛନ୍ତି। ଆଜି ଅନୁଷ୍ଠିତ କ୍ୟାବିନେଟ ବୈଠକରେ, ପ୍ରଧାନମନ୍ତ୍ରୀ କହିଛନ୍ତି, ଅତ୍ୟଧିକ ଭିଡ ହେଉଥିବାରୁ ସେଠାରେ ସାଧାରଣ ଲୋକଙ୍କ ପାଇଁ ଅସୁବିଧା ସୃଷ୍ଟି ନ କରିବାକୁ ଶ୍ରୀ ମୋଦୀ କହିଛନ୍ତି।
ଜ୍ଞାନବାପି ମାମଲା, ଉଭୟ ପକ୍ଷ ସହମତ – ସାର୍ବଜନୀନ ହୋଇପାରେ ସର୍ଭେ ରିପୋର୍ଟ
ସେ କହିଛନ୍ତି, ମନ୍ତ୍ରୀମାନେ ସେଠାକୁ ଗଲେ ପ୍ରୋଟୋକଲ ପାଳନ କରିବା ନେଇ ଅସୁବିଧା ସୃଷ୍ଟି ହେବ ଯାହା ଫଳରେ ସାଧାରଣ ଲୋକ ଠିକ ଭାବରେ ଦର୍ଶନ କରିପାରିବେ ନାହିଁ। ଗତକାଲି ୫ ଲକ୍ଷରୁ ଅଧିକ ଭକ୍ତ ରାମ ମନ୍ଦିର ଦର୍ଶନ ପାଇଁ ଯାଇଥିଲେ ଓ କୌଣସି ପ୍ରକାର ଅପ୍ରୀତିକର ପରିସ୍ଥିତି ଏଡ଼ାଇବା ପାଇଁ ପ୍ରଶାସନ ଅସ୍ଥାୟୀ ଭାବେ ଅଯୋଧ୍ୟା ଯାଉଥିବା ବସଗୁଡିକୁ ଅନ୍ୟ ମାର୍ଗରେ ଛାଡିଥିଲା। ସେଠାରେ ଆଜି ମଧ୍ୟ ୩ ଲକ୍ଷରୁ ଅଧିକ ଦର୍ଶନାର୍ଥୀ ଏକତ୍ରିତ ହୋଇଛନ୍ତି। ସେଥିଲାଗି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
ଅନ୍ୟପକ୍ଷରେ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଅଦିତ୍ୟନାଥ ଭିଆଇପି ମାନଙ୍କୁ ସେଠାକୁ ଯିବା ପୂର୍ବରୁ ଆଗୁଆ ଜଣାଇବା ପାଇଁ କହିଛନ୍ତି। ଏକ ସପ୍ତାହ ପୂର୍ବରୁ ରାଜ୍ୟ ସରକାର କିମ୍ବା ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟକୁ ଅବଗତ କରାଇବା ପାଇଁ ଯୋଗୀ ଅଦିତ୍ୟନାଥ କହିଛନ୍ତି।
