ଡେସ୍କ: ଆପଣ ସମସ୍ତେ ନିଶ୍ଚୟ ଏହା ଶୁଣିଥିବେଯେ ଯେଉଁମାନେ ଚେଷ୍ଟା କରନ୍ତି ସେମାନେ କେବେ ହାରି ଯାଆନ୍ତି ନାହିଁ। ଏମିତି କି କରି ଦେଖାଇଛନ୍ତି ଉତ୍ତରପ୍ରଦେଶ ହରଦୋଇ ପୁଲିସରେ କନଷ୍ଟେବଳ ଚାକିରୀ କରିଥିବା ଦୀପକ ସିଂ। ସେ କେନ୍ଦ୍ରୀୟ ଲୋକସେବା ଆୟୋଗ – ୟୁପିଏସସିର ପିସିଏସ ପରୀକ୍ଷାରେ ଉତ୍ତୀର୍ଣ୍ଣ ହୋଇ ୨୦ତମ ମାନ୍ୟତା ପାଇଛନ୍ତି।
ଶସ୍ତାହେଲା ଥରେ ଚାର୍ଜ କଲେ ୧୫୦ କିମି ଦୌଡ଼ୁଥିବା ଏହି ଇଲେକ୍ଟ୍ରିକ୍ ବାଇକ୍
ବରବାଙ୍କି ଜିଲ୍ଲାର ବାସିନ୍ଦା କନଷ୍ଟେବଳ ଦୀପକ ସିଂ ୨୦ତମ ମାନ୍ୟତା ପାଇ ଉପଜିଲ୍ଲାପାଳ ଭାବେ ନୁଯୁକ୍ତି ପାଇଛନ୍ତି। ଦୀପକ ୨୦୧୮ ମସିହାରେ ଉତ୍ତରପ୍ରଦେଶ ପୁଲିସରେ ନିଯୁକ୍ତି ପାଇଥିଲେ ଏବଂ ତାଙ୍କର ପ୍ରଥମ ପୋଷ୍ଟିଂ ହରଦୋଇରେ ହୋଇଥିଲା। ସେବେଠାରୁ ସେ ପୁଲିସ ବିଭାଗରେ କାର୍ଯ୍ୟ କରୁଛନ୍ତି। ଦୀପକ ସିଂ ଉପଜିଲ୍ଲାପାଳ ହେବା ମାତ୍ରେ ପୁଲିସ ବିଭାଗରେ ଖୁସିର ଲହରୀ ଖେଳି ଯାଇଥିଲା ଏବଂ ପ୍ରତ୍ୟେକ କର୍ମଚାରୀଙ୍କ ତରଫରୁ ଅଭିନନ୍ଦନ ଆସିବାକୁ ଲାଗିଲା।
ଏହି ସଫଳତା ପାଇଁ ଦୀପକ ସିଂ ଭଗବାନଙ୍କ ସହିତ ତାଙ୍କ ପିତାମାତା, ଭଲ ବନ୍ଧୁ ଏବଂ ପରିବାରକୁ ଶ୍ରେୟ ଦେଇଛନ୍ତି।
ଦୀପକ ସିଂ ବାରବାଙ୍କି ଜିଲ୍ଲାର ଏକ ଛୋଟ ଗାଁ ସେମ୍ରାଇର ବାସିନ୍ଦା। ତାଙ୍କ ପିତା ଅଶୋକ କୁମାର ସିଂ ଜଣେ କୃଷକ ଏବଂ ମାତା ଜଣେ ଗୃହିଣୀ। ସେ ୫ ଭାଇଭଉଣୀଙ୍କ ମଧ୍ୟରେ ଦ୍ୱିତୀୟ ଅଟନ୍ତି। ଦୀପକ ସିଂ କହିଛନ୍ତି ଯେ ସେ ହେଉଛନ୍ତି ତାଙ୍କ ଗାଁ ଏବଂ ପରିବାରର ପ୍ରଥମ ବ୍ୟକ୍ତି ଯିଏକି ସରକାରୀ ଚାକିରି ପାଇଛନ୍ତି ଏବଂ ଜଣେ ଅଧିକାରୀ ହୋଇଛନ୍ତି।
ଦୀପକ କହିଛନ୍ତି ଯେ ପୁଲିସରେ ଚାକିରି କରିବା ସହିତ ସେ ପିସିଏସ ପରୀକ୍ଷା ପାଇଁ ଅଧ୍ୟୟନ କରିବା ପାଇଁ ମାତ୍ର ୪ରୁ ୫ ଘଣ୍ଟା ସମୟ ପାଉଥିଲେ। ସେ ଏକ ଛୋଟ ଭଡା ଘରେ ରହି ଅଧ୍ୟୟନ କରୁଥିଲେ। ସେ ପୁଲିସ୍ ଲାଇନ୍ସର ପାଠାଗାରକୁ ଯାଇ କଠିନ ଅଧ୍ୟୟନ କରୁଥିଲେ ଏବଂ ଶେଷରେ ସେ ନିଜ ଲକ୍ଷ୍ୟ ହାସଲ କରିଥିଲେ। ଦୀପକ କହିଛନ୍ତି ଯେ ଯଦି କେହି ଏଭଳି ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି, ତେବେ ସର୍ବପ୍ରଥମେ ତାଙ୍କୁ ଲକ୍ଷ୍ୟ ସ୍ଥିର କରି ସ୍ୱପ୍ନ ଦେଖିବା ଆରମ୍ଭ କରିବାକୁ ପଡିବ।
Comments are closed.