ଡେସ୍କ: ରିଭୋଲ୍ଟ ମୋଟର୍ସ ଭାରତୀୟ ବୈଦ୍ୟୁତିକ ମୋଟରସାଇକେଲ କ୍ଷେତ୍ରରେ ଧିରେଧିରେ ନିଜ ପ୍ରାଧାନ୍ୟ ବିସ୍ତାର କରୁଛି। ଇଲେକ୍ଟ୍ରିକ୍ ବାଇକର ଭାରତୀୟ ବଜାରରେ ଇଲେକ୍ଟ୍ରିକ୍ ସ୍କୁଟର ଭଳି ଚାହିଦା ନଥିଲେ ମଧ୍ୟ କିଛି କମ୍ପାନୀ ଲଗାତର ବୈଦ୍ୟୁତିକ ମୋଟରସାଇକେଲ ଲଞ୍ଚ୍ କରୁଛନ୍ତି। ସେମାନଙ୍କ ମଧ୍ୟରୁ ରିଭୋଲ୍ଟ ମୋଟର୍ସ ଅନ୍ୟତମ। ରିଭୋଲ୍ଟ ମୋଟର୍ସ ଏହାର ବିକ୍ରି ଏବଂ ବଜାର ଭାଗିଦାରୀ ବଢାଇବାକୁ ୨୦୨୪ ପାଇଁ ୨୦୨୩ରେ ଲଞ୍ଚ୍ କରାଯାଇଥିବା ମୂଲ୍ୟରୁ କମ୍ ମୂଲ୍ୟରେ ନୂଆ RV400 BRZ ଇଲେକ୍ଟ୍ରିକ୍ ବାଇକ୍ ଲଞ୍ଚ୍ କରିଛି।
ରିଭୋଲ୍ଟ ଏହାର RV400 BRZକୁ ୧.୩୮ ଲକ୍ଷ ଟଙ୍କାରେ ଲଞ୍ଚ୍ କରିଛି। ଏହାର ଅର୍ଥ ଗ୍ରାହକ ଏବେ କମ୍ ଦାମରେ ଏହି ଇଭିକୁ କିଣି ପାରିବେ। ରିଭୋଲ୍ଟ RV400 BRZର ନୂଆ ମୂଲ୍ୟ ୧,୩୭,୯୫୦ ଟଙ୍କା, ଯାହା ସୀମିତ ସମୟ ପାଇଁ ଏହାର ପ୍ରାରମ୍ଭିକ ମୂଲ୍ୟ ରହିଛି।
Introducing the all-new RV400 BRZ, a piece from the future for the streets of today to ensure green rides.
⚡️Charge your bike completely in 4.5 hours, ride for up to 150 KM, and experience a top speed of 85 KMPH.#InventionIsRebellion #Revolt #RideTheRevolution #BRZ #RV400 #EV… pic.twitter.com/OyD2KAOm3g
— Revolt Motors (@RevoltMotorsIN) January 23, 2024
ରିଭୋଲ୍ଟ RV400 BRZର ଗତ ବର୍ଷର ଦାମ୍ ୧,୪୨,୯୫୦ ଟଙ୍କା ଥିଲା। ଏହି ତୁଳନାରେ ଏହାର ନୂଆ ଦାମ୍ ୫,୦୦୦ ଟଙ୍କା କମ୍ ରହିଛି। ରିଭୋଲ୍ଟ RV400 BRZ ୫ଟି ରଙ୍ଗ ଲୁନାର ଗ୍ରୀନ୍, ପେସିଫିକ୍ ବ୍ଲ୍ୟୁ, ଡାର୍କ ସିଲ୍ଭର୍, ରିବେଲ ରେଡ୍ ଓ କସ୍ମିକ୍ ବ୍ଲାକରେ ଉପଲବ୍ଧ।
RV400 ଭଳି RV400 BRZରେ ୩.୨୪ କେଡବ୍ଲ୍ୟୁଏଚ୍ ବ୍ୟାଟେରୀ କ୍ଷମତା ରହିଛି। ଏହା ଇକୋ ମୋଡ୍ରେ ୧୫୦ କି.ମି., ନର୍ମାଲ ମୋଡ୍ରେ ୧୦୦ କି.ମି. ଏବଂ ସ୍ପୋର୍ଟସ୍ ମୋଡ୍ରେ ୮୦ କି.ମି. ରେଞ୍ଜ୍ର ଦାବି କରିଥାଏ। ଏହାର ଓଜନ ୧୦୮ କିଲୋଗ୍ରାମ ରହିଛି। ଏହା ୫ ବର୍ଷ କିମ୍ବା ୭୫,୦୦୦ କି.ମି.ର ୱାରେଣ୍ଟି ସହ ଆସିଥାଏ।
