ପିପିଲି: ପିସିସି ସଭାପତି ଶରତ ପଟ୍ଟନାୟକଙ୍କ ଆହ୍ୱାନକ୍ରମେ ପିପିଲି-ଡେଲାଙ୍ଗ ନିର୍ବାଚନମଣ୍ଡଳୀର କଂଗ୍ରେସ ପକ୍ଷରୁ ସ୍ଥାନୀୟ ଶ୍ରୀପତିତପାବନ ଦେବଙ୍କ ମନ୍ଦିର ସମ୍ମୁଖରେ ଗୁରୁବାର ସଂକୀର୍ତ୍ତନ ସତ୍ୟାଗ୍ରହ କରାଯାଇଛି। ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ନିମନ୍ତେ ଶ୍ରୀମନ୍ଦିରର ଚାରି ଦ୍ୱାର ଖୋଲାଯିବା, ରତ୍ନଭଣ୍ଡାର ଖୋଲାଯାଇ ମହାପ୍ରଭୁଙ୍କ ଅଳଙ୍କାର ଗଣତି, ମଣତି ଓ ଭଣ୍ଡାର ଘର ମରାମତି କରାଯିବା ଏବଂ ବେଦାନ୍ତ କଂପାନୀ ଦ୍ୱାରା ଅଧିଗ୍ରହଣ କରାଯାଇଥିବା ଶ୍ରୀଜଗନ୍ନାଥଙ୍କ ଅମୃତମଣୋହି ଜମି ଓ ଚାଷୀଙ୍କ ଚାଷ ଜମିକୁ ତୁରନ୍ତ ଫେରସ୍ତ କରାଯିବା ଦାବିରେ ଏହି ସତ୍ୟାଗ୍ରହ ପୂର୍ବାହ୍ନ ୯ଟାଠାରୁ ୧୨ଟା ପର୍ଯ୍ୟନ୍ତ ୩ଘଣ୍ଟା ଧରି ଚାଲିଥିଲା। ଏଥିରେ ରାଜ୍ୟ କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର, କଂଗ୍ରେସ ନେତା ତଥା ବିଧାୟକ ପ୍ରାର୍ଥୀ ବିଶ୍ୱକେଶନ ହରିଚନ୍ଦନ ମହାପାତ୍ର, ବରିଷ୍ଠ ନେତା ଜ୍ଞାନରଞ୍ଜନ ପଟ୍ଟନାୟକ, ପୂର୍ଣ୍ଣଚନ୍ଦ୍ର ସ୍ୱାଇଁ, ଗୁଣନିଧି ପ୍ରଧାନ, ପ୍ରଦ୍ୟୁମ୍ନ ପରିଡ଼ା, ବିପିନ ବଳବନ୍ତରାୟ, ଜିତୁପ୍ରକାଶ ପରିଡ଼ା, ମହିଳା କଂଗ୍ରେସ ନେତ୍ରୀ ନିରୁପମା ପାତ୍ର, ନରସିଂହ ପ୍ରଧାନ, ରଜନିକାନ୍ତ ବସ୍ତିଆ, ପିପିଲି ଏନ୍ଏସି କଂଗ୍ରେସ ସଭାପତି ସେକ୍ ମେହେବୁବ, ଅନ୍ତର୍ଯ୍ୟାମୀ ଦିକ୍ଷିତ, ପ୍ରଫୁଲ୍ଲ ପ୍ରଧାନଙ୍କ ସମେତ ଶତାଧିକ କଂଗ୍ରେସ କର୍ମୀ ଯୋଗଦେଇ ଭକ୍ତି ସଂକୀର୍ତ୍ତନ ମାଧ୍ୟମରେ ଉପରୋକ୍ତ ଦାବି ଉପସ୍ଥାପନ କରିଥିଲେ।
Popular Categories
Previous article
Next article