ପାରାଦ୍ବୀପ : ମଧୁବନ ବିଲଡିଙ୍ଗ୍ ମାର୍କେଟରେ ଥିବା ଏକ ଦୋକାନରୁ ବିପୁଳ ପରିମାଣର ବିଦେଶୀ ମଦ, ବିଦେଶୀ ସିଗାରେଟ୍ ଓ ଅନ୍ୟାନ୍ୟ ସାମଗ୍ରୀ ଜବତ ହୋଇଥିବା ଜଣାପଡିଛି। ଅତିରିକ୍ତ ଏସପିଙ୍କ ନେତୃତ୍ବରେ ଚଢାଉ କରି ନିଶା ଦ୍ରବ୍ୟ ଗୁଡିକୁ ଜବତ କରାଯାଇଛି। ଜାହାଜରେ ବିଦେଶରୁ ଆସୁଥିବା ଜର୍ମାନ୍, ରୁଷିଆ ଓ ଫ୍ରାନ୍ସ ଭଳି ଦେଶର ବିଭିନ୍ନ ସାମଗ୍ରୀ ଗୁଡିକୁ ବନ୍ଦର ନିଷିଦ୍ଧାଞ୍ଚଳ ମଧ୍ୟରୁ ସିଆଇଏସଏଫର କଡା ସୁରକ୍ଷା ବଳୟ ଭେଦକରି ବିଲଡିଙ୍ଗ୍ ମାର୍କେଟର ଏକ ଦୋକାନରେ ଗଛିତ ରଖାଯାଉଥିଲା । ଏଠାରୁ ରାଜ୍ୟ ତଥା ରାଜ୍ୟ ବାହାରର ବିଭିନ୍ନ ମେଟ୍ରୋ ସହରକୁ ବସ୍ ମାଧ୍ୟମରେ ଚାଲାଣ କରାଯାଉଥିଲା । କୌଣସି ସୁତ୍ରରୁ ଖବର ପାଇ ଲକ୍ଷାଧିକ ଟଙ୍କାର ସାମଗ୍ରୀ ଜବତ କରିଛି ପୁଲିସ।
