ଜଗସିଂହପୁର: ଜଗତସିଂହପୁର ତିର୍ତ୍ତୋଲ ସିରସ୍ତା ଗାଁରେ ଦୁଇ ଜଣଙ୍କ ମୃତ୍ୟୁ ଘଟଣାରେ ପ୍ରତିକ୍ରିୟା ରଖିଛନ୍ତି ଜଗତସିଂହପୁର ଏସପି। ଏହା ମଦ ମୃତ୍ୟୁ ନୁହେଁ । ଛତୁ ସିଞ୍ଚନ ପାଇଁ ଥିବା ଔଷଧ ପିଇବା ଯୋଗୁଁ ଏହି ମୃତ୍ୟୁ ଘଟିଛି। ବିଭିନ୍ନ ଦିଗରୁ ଆମେ ଏହାର ତଦନ୍ତ ଜାରି ରଖିଛୁ। ସୂଚନା ମୂତାବକ ଜଗତସିଂହପୁର ତିର୍ତ୍ତୋଲ ଅଞ୍ଚଳରେ ଥିବା ସିରସ୍ତା ଗାଁରେ ସନ୍ଦେହଜନକ ଭାବେ ଦୁଇ ଜଣ ବ୍ୟକ୍ତିଙ୍କର ମୃତ୍ୟୁ ଘଟିଥିଲା। ମୃତକ ଦୁଇ ଜଣ ବିଭୁତି ସାମଲ ଏବଂ ଗୋପବନ୍ଧୁ ସାମଲ ବୋଲି ଜଣାପଡିଛି। ଉଭୟ ସମ୍ପର୍କରେ ଦାଦା ପୁତୁରା। ହଟାତ୍ ଉଭୟ ଛାତିରେ ଯନ୍ତ୍ରଣା ଅନୁଭବ କରିବାରୁ ପ୍ରଥମେ ପାଟକୁରା ଏବଂ ପରେ କେନ୍ଦ୍ରାପଡା ମେଡିକାଲରେ ଭର୍ତ୍ତି କରାଯାଇଥିଲା। ହେଲେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି। ବିଷାକ୍ତଯୁକ୍ତ ମଦ୍ୟପାନ ଯୋଗୁଁ ମୃତ୍ୟୁ ହୋଇଥିବାର ସନ୍ଦେହ କରାଯାଉଥିଲା। କିନ୍ତୁ ଛତୁ ସିଞ୍ଚନ ପାଇଁ ଥିବା ଔଷଧ ପିଇବା ଯୋଗୁଁ ଏହି ମୃତ୍ୟୁ ଘଟିଥିବା ଜଗତସିଂହପୁର ଏସପି କହିଛନ୍ତି ।
Popular Categories
Previous article
Next article