ପାପଡାହାଣ୍ଡି: ପାପଡାହାଣ୍ଡି ଓ ମଇଦଲପୁର ସମବାୟ ସମିତିର କର୍ମଚାରୀମାନେ ୫ ଦଫା ଦାବି ନେଇ ଗତ ୧୪ ତାରିଖରୁ ଧାରଣାରେ ବସିବା ସହ କାର୍ୟ୍ୟାଳୟରେ ତାଲାପକାଇ ଧାରଣା ରେ ବସିଛନ୍ତି କର୍ମଚାରୀ। ପାପଡାହାଣ୍ଡି ସମବାୟ ସମିତି ପରିଚାଳନା ନିର୍ଦେଶକ ଇସ୍ମାଇଲ ସନଫୁଲ, ଶାଖା ପରିଚାଳକ ମହେନ୍ଦ୍ର ଲେଙ୍କା, ଦିଲୀପ ହରିଜନ, କୃତିବାସ ଗୌଡ଼, ବିଶ୍ୱନାଥ ମାଳି, ଅଶ୍ୱିନୀ ପଟ୍ଟନାୟକ, ଦେବ ନାୟକ, ଲଇଖନ ଭତରା ପ୍ରମୁଖ କାର୍ୟ୍ୟାଳୟ ଆଗରେ ଧାରଣାରେ ବସିଛନ୍ତି। ଦାବି ପୂରଣରେ ବିଳମ୍ବ କରାଯାଉଥିବାରୁ ସମବାୟ ସମିତି ତାଲା ଝୁଲୁଛି।
ଯଦ୍ୱାରା ବର୍ତମାନ ରବି ଚାଷ ଲାଗି ଚାଷି ରଣ ଓ ସାର ପାଇ ପାରୁନାହାନ୍ତି। ଆସନ୍ତା ମାସ ଡିସେମ୍ବର ୧୦ ତାରିଖରେ ଧାନ ମଣ୍ଡି ଶୁଭାରମ୍ଭ କାର୍ୟ୍ୟ ରହିଥିବା ବେଳେ ଦାବି ପୂରଣ ନ ହେଲେ ମଣ୍ଡି କାମ ବି ବାଧା ପ୍ରାପ୍ତ ହେବା ଦେଖାଦେଇଛି। କର୍ମଚାରୀ ମାନେ ଦାବି କରିଛନ୍ତି ଯେ,୨୭୦୮ କର୍ମଚାରୀ ମାନଙ୍କୁ ସରକାରି ମାନ୍ୟତା ପ୍ରଦାନ କରାଯାଉ, ୭ମ ବେତନ କମିଶନ ଅନୁସାରେ ବେତନ ପ୍ରଦାନ, କରୋନା ସମୟରେ ମୃତ୍ୟୁ ବରଣ କରିଥିବା କର୍ମଚାରୀଙ୍କୁ ୫୦ଲକ୍ଷ ଟଙ୍କା ପ୍ରଦାନ, ସମବାୟ ରେ ତ୍ରୀ ସ୍ତରୀୟ ବ୍ୟବସ୍ଥା ଉଛେଦ ସହ ୫ ଲକ୍ଷ ସ୍ୱାସ୍ଥ୍ୟ ବୀମା ପ୍ରଦାନ ଲାଗି ଦାବି କରିଛନ୍ତି।
