କଲମପୁର : କଲମପୁର ପଞ୍ଚାୟତ ସମିତି କାର୍ଯ୍ୟାଳୟର ସଭାଗୃହଠାରେ ସମିତି ବୈଠକ ଅନୁଷ୍ଠିତ ହେଇଯାଇଛି । ବିଡିଓ ବିଜୟ କୁମାର ମାଣ୍ଡାଙ୍ଗିଙ୍କ ଆବାହନରେ ଅନୁଷ୍ଠିତ ଏହି ବୈଠକରେ ସମିତି ଅଧ୍ୟକ୍ଷା ମୋତି ବିହାରୀ ଅଧ୍ୟକ୍ଷତା କରିଥିଲେ । ସମିତି ଉପାଧ୍ୟକ୍ଷ ଚିନ୍ତାମଣି ବେହେରାଙ୍କ ସମେତ ଦୁଇ ଜିଲ୍ଲା ପରିଷଦ ସଭ୍ୟା ବିଧାୟକ ଏବଂ ସାଂସଦଙ୍କ ପ୍ରତିନିଧି ଏବଂ ସମସ୍ତ ପଞ୍ଚାୟତର ସରପଞ୍ଚ ଓ ସମିତି ସଭ୍ୟସଭ୍ୟା ମାନେ ଯୋଗ ଦେଇ ଥିଲେ। ଗ୍ରାମ ପଞ୍ଚାୟତ ସଂପ୍ରସାରଣ ଅଧିକାରୀ କରୁଣାକର ବାଗ ଗତ ସମିତି ବୈଠକର ବିବରଣୀ ପାଠ କରିବା ସହ ବର୍ତ୍ତମାନ ବୈଠକ ନେଇ ଗୃହକୁ ଅନୁରୋଧ କରିଥିଲେ। ଉପସ୍ଥିତ ଜନ ପ୍ରତିନିଧି ମାନେ ସମିତିର ବିଭିନ୍ନ ଉନ୍ନୟନ କାର୍ଯ୍ୟ ନେଇ ଆଲୋଚନା କରିଥିଲେ । ଗ୍ରାମ ପଞ୍ଚାୟତ ଉନ୍ନତି କରଣ କାର୍ଯ୍ୟକ୍ରମ ସହ ବିଭିନ୍ନ ଯୋଜନାର ୨୦୨୩-୪ ଆର୍ଥିକ ବର୍ଷର କାର୍ଯ୍ୟ ଖସଡା ପ୍ରସ୍ତୁତ ନେଇ ଆଲୋଚା କରିଥିଲେ। ପ୍ରାଥମିକ ଶିକ୍ଷାର ଭିତ୍ତିଭୂମି ପାଇଁ ବିଭିନ୍ନ ପ୍ରାଥମିକ ବିଦ୍ୟାଳୟର ଉନ୍ନତି କରଣ, ସ୍ୱାସ୍ଥ୍ୟ ସେବାର ଉନ୍ନତି ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବା ନେଇ ଆଲୋଚନା କରାଯାଇଥିଲା । ଏହାସହ କୃଷି, ଉଦ୍ୟାନ କୃଷି. ଜଳ ସେଚନ, ମତ୍ସ୍ୟ ଓ ପ୍ରାଣୀ ସମ୍ପଦ ମହିଳା ଓ ଶିଶୁ ବିକାଶ ବିଭାଗର ବିଭିନ୍ନ ଯୋଜନା ନେଇ ଆଲୋଚନା କରାଯାଇଥିଲା । ଏଥିରେ ବ୍ଲକରେ କାର୍ଯ୍ୟରତ ସମସ୍ତ ବିଭାଗର ଅଧିକାରୀ ମାନେ ଯୋଗ ଦେଇ ନିଜ ନିଜ ବିଭାଗର ଯୋଜନା ଏବଂ ପ୍ରକଳ୍ପ ସବୁର ଅଗ୍ରଗତିନେଇ ସମିତିକୁ ଅବଗତ କରାଇଥିଲେ। ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ କରୁଣାକର ବାଗ ଧନ୍ୟବାଦ ଅର୍ପଣ କରିଥିଲେ।
Comments are closed.