ଆବଶ୍ୟକ ସାମଗ୍ରୀ:
ପାଳଙ୍ଗ- କଟା ହୋଇଥିବା (୨ କପ)
ମକା- ସିଝା ହୋଇଥିବା (୧ କପ)
ମଇଦା- ୨ ଚାମଚ
ପାଉଁରୁଟି ଗୁଣ୍ଡ- ୧ କପ
ଆଳୁ- ସିଝା ହୋଇଥିବା (୨ଟି )
ଲଙ୍କା- ୨ଟି
ଅଦା- ଛେଚା ହୋଇଥିବା
ଲଙ୍କା ଗୁଣ୍ଡ- ୧ଚାମଚ
ଲୁଣ- ସ୍ବାଦ ଅନୁଯାୟୀ
ତେଲ- ଆବଶ୍ୟକ ଅନୁଯାୟୀ
ପ୍ରସ୍ତୁତ ପ୍ରଣାଳୀ:
ପ୍ରଥମେ ଗୋଟିଏ ପାତ୍ରରେ ମଇଦା, ଲୁଣରେ ପାଣି ପକାଇ ଭଲ ଭାବରେ ଚକଟି ଦିଅନ୍ତୁ। ତାପରେ ଗ୍ୟାସ ଲଗାଇ କଡାଇ ବସାନ୍ତୁ। କଡେଇରେ ତେଲ ପକାଇ ଗରମ କରି ପାଳଙ୍ଗ ଶାଗକୁ ଅଳ୍ପ ଭାଜି ଦିଅନ୍ତୁ। ତାପରେ ଶାଗକୁ କାଢି ପାତ୍ରରେ ରଖନ୍ତୁ। ଅନ୍ୟ ଏକ ପାତ୍ରରେ ଆଳୁ, ଭଜା ଶାଗ, ସିଝା ମକା, କଞ୍ଚା ଲଙ୍କା, ଅଦା, ଲଙ୍କା ଗୁଣ୍ଡ ଓ ଲୁଣ ପକାଇ ଭଲ ଭାବେ ଚକଟି ଦିଅନ୍ତୁ। ତାପରେ ମିଶ୍ରଣକୁ ଅଳ୍ପ ନେଇ ହାତରେ ଗୋଲ ଗୋଲ କରି କଟଲେଟ୍ ପ୍ରସ୍ତୁତ କରନ୍ତୁ। ମଇଦାର ଏକ ପତଳା ମିଶ୍ରଣ ପ୍ରସ୍ତୁତ କରନ୍ତୁ। ଗ୍ୟାସରେ ତେଲ ବସାଇ କରନ୍ତୁ। ତେଲ ଗରମ ହେଲା ପରେ କଟଲେଟକୁ ମଇଦାର ମିଶ୍ରଣରେ ବୁଡାଇ ପାଉଁରୁଟି ଗୁଣ୍ଡ ଲଗାଇ ଛାଣନ୍ତୁ। କଟଲେଟଟି ଅଳ୍ପ ସୁନେଲୀ ରଙ୍ଗ ହେବା ପରେ କାଢି ପାତ୍ରକୁ କାଢି ଦିଅନ୍ତୁ।
ପ୍ରସ୍ତୁତ ହୋଇଗଲା ଆପଣଙ୍କ ପାଳଙ୍ଗ କଟଲେଟ୍। ଏହାକୁ ଆପଣ ଟମାଟୋ ସସ୍ ସହ ଖାଆନ୍ତୁ ଏବଂ ମଜା ନିଅନ୍ତୁ।
