ପନିପରିବା ଖାଇବା ସମସ୍ତଙ୍କ ପାଇଁ ଜରୁରୀ, ପ୍ରକୃତିଦତ୍ତ ଏଇ ପନିପରିବାଗୁଡ଼ିକରେ ଥିବା ଭରପୂର ପୋଷକତତ୍ତ୍ବ ଆମ ମଣିଷ ଶରୀରକୁ ଶକ୍ତି ଯୋଗାଇଥାଏ। ବାଇଗଣ, ଏହି ପରିବାର ଆଦର ଦେଶରୁ ବିଦେଶରେ ଦେଖିବାକୁ ମିଳେ। ବିଶେଷଜ୍ଞଙ୍କ ମତରେ ବିଭିନ୍ନ ବ୍ୟଞ୍ଜନରେ ବାଇଗଣକୁ ସାମିଲ କରି ନିୟମିତ ଖାଇବା ସ୍ବାସ୍ଥ୍ୟ ପାଇଁ ହିତକାରୀ।
-ଓଜନକୁ ନିୟନ୍ତ୍ରଣରେ ରଖିବାକୁ ଚାହୁଁଥିଲେ, ପ୍ରତିଦିନ ବାଇଗଣ ଖାଇବା ଭଲ। ସେଲିବ୍ରିଟି ନ୍ୟୁଟ୍ରିସନିଷ୍ଟ ରୁଜୁତା ଦିୱେକର୍ଙ୍କ ମତରେ ପ୍ରତିଦିନ ବାଇଗଣ ଭଜା କିମ୍ବା ଭର୍ତ୍ତା ଖାଇଲେ ଆମ ପାଚନତନ୍ତ୍ର ଭଲ ହେବା ସହ ଓଜନ ମଧ୍ୟ ନିୟନ୍ତ୍ରଣରେ ରହେ।
-ଭିଟାମିନ୍ ଏ, ସି, ବି-୨, ଲୌହ, ଜିଙ୍କ୍ ଭରପୂର ବାଇଗଣ ଖାଇଲେ ଶରୀରର ରୋଗପ୍ରତିରୋଧକ ଶକ୍ତି ବଢ଼େ।
-ହାଡ଼, ଗୋଡ଼ ସମସ୍ୟା ହେଉଥିଲେ କ୍ୟାଲସିୟମ୍-ପୋଟାସିୟମ୍ ଯୁକ୍ତ ବାଇଗଣ ପରିବାକୁ ନିଜ ଖାଦ୍ୟ ତାଲିକାରେ ସାମିଲ କରନ୍ତୁ।
-ମଧୁମେହ ରୋଗୀ ପ୍ରତିଦିନ ବାଇଗଣ ପ୍ରସ୍ତୁତ ବ୍ୟଞ୍ଜନ ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ଭଲ। ଆଣ୍ଟିଅକ୍ସିଡାଣ୍ଟ ଭରପୂର ବାଇଗଣ ଖାଇଲେ ହୃଦ୍ରୋଗ ହେବାର ଆଶଙ୍କା କମ୍ ଥାଏ ବୋଲି ଅନୁସନ୍ଧାନରୁ ଜଣାପଡ଼ିଛି।
-ବାଇଗଣ ପରିବାରେ କର୍କଟପ୍ରତିରୋଧୀ ତତ୍ତ୍ବ ଥିବାରୁ କର୍କଟରୋଗୀଙ୍କ ଶକ୍ତି ବଢ଼ାଇବା ନିମନ୍ତେ ଏହା ଦୈନିକ ଖାଇବାକୁ ଦେବା ଭଲ।
-ଲ୍ୟୁଟିନ୍, ଜେକ୍ସାଥିନ୍ ତତ୍ତ୍ବ ଥିବା ବାଇଗଣ ଖାଇଲେ ଦୃଷ୍ଟି ଶକ୍ତି ମଧ୍ୟ ବଢ଼େ। ବିଶେଷଜ୍ଞଙ୍କ ମତରେ ବାଇଗଣ ନିୟମିତ ଖାଇଲେ ଆମ ସ୍ମୃତି ଶକ୍ତି ମଧ୍ୟ ବଢ଼େ।
ବାଇଗଣ ଖାଆନ୍ତୁ – ସୁସ୍ଥ ରୁହନ୍ତୁ
Popular Categories
Previous article
Next article