ପାଟଣା : ଗତ କିଛିଦିନ ତଳେ ପାଟଣା ବ୍ଲକ ମୁଖ୍ୟାଳୟ ସ୍ୱାମ ଶାସନ ଛକ ହନୁମାନ ମନ୍ଦିରରୁ ପୂଜା ସାମଗ୍ରୀ ଚୋରି ହୋଇଥିଲା। ଚୋରି ହେବା ଦିନ ରାତିରେ ପାଟଣା – ଢେଙ୍କିକୋଟ ରାସ୍ତାରେ ପାଟଣା ଥାନା ଏଏସଆଇ ନୂଆସ ଲୁଗୁନ ପେଟ୍ରୋଲିଂରେ ଥିବାବେଳେ ହନୁମାନ ମନ୍ଦିରରୁ ଚୋରି କରି ବାଇକରେ ଢେଙ୍କିକୋଟ ଆଡ଼କୁ ଫେରାର ହୋଇଯାଉଥିବା ଜଣେ ଯୁବକ ପୁଲିସ ଗାଡ଼ିକୁ ଦେଖି ବାଇକ ଛାଡି ଅନ୍ଧାରରେ ଚଂପଟ ମାରିଥିଲେ। ପୁଲିସ ବାଇକ ସହ ଚୋରି ସାମଗ୍ରୀ ଜବତ କରି ଥାନାକୁ ଆଣିଥିଲା। ପରଦିନ ହନୁମାନ ମନ୍ଦିର କମିଟି ଚୋରି ସମ୍ପର୍କରେ ପାଟଣା ପୁଲିସକୁ ସୂଚନା ଦେବା ପରେ ପୁଲିସ ରାତିରେ ଉଦ୍ଧାର ହୋଇଥିବା ପୂଜା ସାମଗ୍ରୀକୁ ସେମାନଙ୍କୁ ଦେଖାଇଥିଲେ। ଚୋରି ସାମଗ୍ରୀ ଗୁଡିକ ହନୁମାନ ମନ୍ଦିରର ହୋଇଥିବାବେଳେ ପୁଲିସ ସେଗୁଡିକୁ ମନ୍ଦିର କମିଟିକୁ ଫେରାଇ ଦେଇଥିଲା। ସେବେଠାରୁ ପୁଲିସ ଏହି ଚୋରର ପତ୍ତା ଲଗାଉଥିବାବେଳେ ଘଟଗାଁ ଅଞ୍ଚଳରୁ ତାକୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ମୁକୁନ୍ଦପୁର ପାଟଣା ଗ୍ରାମର ଶ୍ରୀକାନ୍ତ ସାହୁ(୨୭) ବୋଲି ଜଣାପଡିଛି।
Comments are closed.