ପାଟଣା : ପାଟଣା ବ୍ଲକ ଅଞ୍ଚଳରେ ବ୍ଲକ ଓ ଅନ୍ୟାନ୍ୟ ଲାଇନ ବିଭାଗ ଦ୍ଵାରା ମନରେଗା ଯୋଜନାରେ କରାଯାଇଥିବା ଉନ୍ନୟନ କାର୍ଯ୍ୟ ପାଇଁ ଆଜି ବ୍ଲକ କାର୍ଯ୍ୟାଳୟରେ ବ୍ଲକ ସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଛି। ବିଡିଓ ମାନସ କୁମାର ଦଣ୍ଡପାଟଙ୍କ ଉପସ୍ଥିତିରେ ଶିବିରରେ ଜିଲା ପରିଷଦର ଅତିରିକ୍ତ କାର୍ଯ୍ୟ ନିର୍ବାହୀ ଅଧିକାରୀ ରବିନ୍ଦ୍ର କୁମାର ମଲ୍ଲିକ, ଜିଲା ସାମାଜିକ ସୁରକ୍ଷା ଅଧିକାରୀ ଚନ୍ଦନ ଅମୃତାୟନ ଆଇଚ ଯୋଗଦେଇ ବ୍ଲକ ଅଧ୍ୟକ୍ଷା ସୁକାନ୍ତି ନାଏକଙ୍କ ଉପସ୍ଥିତିରେ ଜନଶୁଣାଣି ଶିବିରରେ ମତାମତ ଓ ଅଭିଯୋଗର ଶୁଣାଣି କରିଥିଲେ। କାର୍ଯ୍ୟକ୍ରମରେ ବହୁ ସରପଞ୍ଚ, ସମିତି ସଭ୍ୟ, ପିଇଓ,ଏଡିଇଓ ,ଗ୍ରାମ ରୋଜଗାର ସେବକଙ୍କ ସହ ସହକାରୀ ନିର୍ବାହୀ ଯନ୍ତ୍ରୀ ଇଂ ସିଦ୍ଧ ମାଝୀଙ୍କ ସହ ସମସ୍ତ କନିଷ୍ଠ ଯନ୍ତ୍ରୀ ଉପସ୍ଥିତ ଥିଲେ।
ସୂଚନା ଅନୁଯାୟୀ ମନରେଗା ଯୋଜନାରେ ୬ ମାସ ମଧ୍ୟରେ ମୋଟ ୨୩୪ ଟି ପ୍ରକଳ୍ପ ମଧ୍ୟରୁ ୯୨ ଟି ବିଭିନ୍ନ ଲାଇନ ବିଭାଗରେ ଥିବା ସମ୍ବନ୍ଧରେ ଗ୍ରାମ ସମ୍ବଳ ବ୍ୟକ୍ତିମାନେ ତଥ୍ୟ ଉପସ୍ଥାପନ କରିଥିଲେ। ଆସିଥିବା ଅଭିଯୋଗର ୭ ଦିନ ମଧ୍ୟରେ ସମାଧାନ କରାଯିବାକୁ ନିର୍ଦ୍ଦେଶ ଦିଆଯାଇଥିଲା।୨୦୨୩-୨୪ ଆର୍ଥିକ ବର୍ଷରେ ୨୬୪୫.୭୩ ଲକ୍ଷ ଟଙ୍କା ଖର୍ଚ୍ଚ କରାଯାଇ ୯୯୪୬୭ ଶ୍ରମ ଦିବସ ସୃଷ୍ଟି କରାଯାଇଥିବା ଏବଂ ପୁରୁଣା ଓ ନୂଆ କାମ ମିଶି ୧୮୯୫ ଟି ପ୍ରକଳ୍ପ କାମ ଶେଷ ହୋଇଥିବା ସୂଚନା ଦିଆଯାଇଥିଲା।
Comments are closed.