ସମ୍ବଲପୁର: ସମ୍ବଲପୁର ଜିଲା ଜମନକିରା ବ୍ଲକ ଅନ୍ତର୍ଗତ ମହଦା ପଞ୍ଚାୟତର ବାସିନ୍ଦାମାନେ ଆବାସ ଯୋଜନାରେ ସାମିଲ କରିବାକୁ ଜିଲାପାଳଙ୍କ ନିକଟରେ ଦାବି କରିଛନ୍ତି। ବୁଧବାର ପୂର୍ବାହ୍ନରେ ସେମାନେ ଜିଲାପାଳଙ୍କୁ ଏ ନେଇ ଏକ ଦାବିପତ୍ର ଦେଇଛନ୍ତି। ପ୍ରଦତ୍ତ ଦାବିପତ୍ର ଅନୁଯାୟୀ, ମହଦା ପଞ୍ଚାୟତର ଅନେକ ବାସିନ୍ଦା ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ ହେବାକୁ ଦାବି କରିଛନ୍ତି। ୨୦୨୧ରୁ ୨୦୨୩ ମସିହା ପର୍ୟ୍ୟନ୍ତ ମଞ୍ଜୁର ହୋଇଥିବା ଯୋଗ୍ୟ ହିତାଧିକାରୀମାନଙ୍କୁ ଯୋଗ୍ୟ ତାଲିକାରେ ସ୍ଥାନିତ କରାଯାଇନାହିଁ । ଫଳରେ ଅଞ୍ଚଳର ଅନେକ ବାସିନ୍ଦାମାନେ ଆବାସ ଯୋଜନାରୁ ବଞ୍ଚିତ ରହିଛନ୍ତି । ଏଣୁ ତୁରନ୍ତ ପଦକ୍ଷେପ ନିଆଯାଇ ଯୋଗ୍ୟ ହିତାଧିକାରୀମାନଙ୍କୁ ଆବାସ ଯୋଜନାରେ ସାମିଲ କରାଯାଇ ଘର ଖଣ୍ଡିଏ ପ୍ରଦାନ ପାଇଁ ଦାବି କରାଯାଇଛି । ପ୍ରଦତ୍ତ ଦାବିପତ୍ରରେ ୱାର୍ଡ ମେମ୍ବର ଖୁଣ୍ଟା ତାଣ୍ଡିଆ, ରାନି ମୁଣ୍ଡାଙ୍କ ସମେତ ଅନେକ ଅଞ୍ଚଳବାସୀଙ୍କ ଦସ୍ତଖତ ରହିଛି।
Comments are closed.