ପାଟଣା : ନୌସେନା ଦିବସ ଅବସରରେ ପାଟଣା କଲ୍ୟାଣ ମଣ୍ଡପଠାରେ ଅବସର ପ୍ରାପ୍ତ ସୈନିକ କଲ୍ୟାଣ ସଙ୍ଘ ପାଟଣା – ସାହାରପଡ଼ାର ସଦସ୍ୟମାନଙ୍କ ଦ୍ଵାରା ଏକ ସଭାର ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ସମସ୍ତ ସଦସ୍ୟମାନେ ପ୍ରଥମେ ସହିଦ୍ ବୀର ମାନଙ୍କ ଉଦ୍ଦେଶ୍ୟରେ ମହମବତୀ ଜାଳି, ପୁଷ୍ପାଞ୍ଜଳି ଦେଇ ୨ ମିନିଟ୍ ନିରବ ପ୍ରାର୍ଥନା କରିଥିଲେ । ସଂଘର ସମ୍ପାଦକ ସୁବେଦାର ନାରାୟଣ ବାରିକ୍ ମୁଖ୍ୟ ଅତିଥି ଅଧ୍ୟକ୍ଷ କ୍ୟାପଟେନ ଉପେନ୍ଦ୍ର ମହାନ୍ତ ତଥା ସମସ୍ତ ସଦସ୍ୟ ଗଣଙ୍କୁ ସ୍ବାଗତ ଜଣାଇବା ସହିତ ନୌସେନା ଦିବସର ଅଭିନନ୍ଦନ ଜଣାଇଥିଲେ। ଅଧ୍ୟକ୍ଷ ନୌସେନା ଦିବସର ଉଦ୍ଦେଶ୍ୟ ଓ ନୌବାହିନିର ବୀର ଗାଥା ବିଷୟରେ ସମସ୍ତଙ୍କ ଆଗରେ ଆଲୋଚନା କରିଥିଲେ। ସଭା କାର୍ଯ୍ୟରେ ଅଧ୍ୟକ୍ଷ କ୍ୟାପଟେନ ଉପେନ୍ଦ୍ର ମହାନ୍ତ, ସମ୍ପାଦକ ସୁବେଦାର ନାରାୟଣ ବାରିକ୍ ତଥା ସଂଘର ଅନ୍ୟାନ୍ୟ ସଦସ୍ୟ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ।
Comments are closed.