ସମ୍ବଲପୁର: ସମ୍ବଲପୁର ଜିଲା ପଡିଆବାହାଲ ରେଞ୍ଜ ତଥା ଯୁଯୁମୁରା ବ୍ଲକ ଅନ୍ତର୍ଗତ ନୁଆବରଙ୍ଗାମାଲ ପଞ୍ଚାୟତରେ ବଣୁଆ ହାତୀମାନେ ପନିପରିବା ସହିତ ଧାନ ଫସଲ ନଷ୍ଟ କରି ଦେଇଛନ୍ତି। ବୁଧବାର ପ୍ରାତଃ ସମୟରେ ଅଚାନକ ନୁଆବରଙ୍ଗାମାଲ ପଞ୍ଚାୟତର ଧଧଲୋମୁଣ୍ଡା ଗ୍ରାମରେ ବଣୁଆ ହାତୀମାନେ ପ୍ରବେଶ କରି ଚାଷ କରାଯାଇଥିବା ପନି ପରିବା ଓ ଧାନ ଫସଲ ଗୁଡିକୁ ନଷ୍ଟ କରି ଦେଇଛନ୍ତି। ଚାଷୀ ଭଲଭର ଗନିକଙ୍କ ପନି ପରିବା ଚାଷ ସହିତ ପିଣ୍ଟୁ ବେହେରା, ଦଶରଥ ବିଶ୍ୱାଳ, ମିତ୍ରଭାନୁ ବେହେରାଙ୍କ ଧାନ ଫସଲ ନଷ୍ଟ ହୋଇଛି। ହାତୀ ଉପଦ୍ରବର ଖବର ବନ ବିଭାଗକୁ ଦିଆଯାଇଥିବା ବେଳେ ବନ ବିଭାଗର ଦଳ ଘଟଣାସ୍ଥଳରେ ପହଞ୍ଚି ହାତୀଙ୍କୁ ଘଉଡାଇ ଥିଲା। ଚାଷୀମାନଙ୍କ କ୍ଷୟକ୍ଷତି ସମ୍ପର୍କରେ ମଧ୍ୟ ବନ ବିଭାଗ ତରଫରୁ ତଥ୍ୟ ସଂଗ୍ରହ କରାଯାଇଛି।
Comments are closed.