ରାଇକିଆ : ରାଇକିଆ ସ୍ଥାନୀୟ ଜୀବନ ଜ୍ୟୋତି କଲେଜ ପରିସରରେ ସୋମବାର ଆଜି ନାରୀ ସୁରକ୍ଷା ଓ ସଚେତନତା ଉଦ୍ଦେଶ୍ୟରେ ଏକ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । କଲେଜ ଅଧ୍ୟକ୍ଷ ପ୍ରାଧ୍ୟାପକ ଉମାକାନ୍ତ ରଥଙ୍କ ସଭାପତିତ୍ଵ ରେ ଆୟୋଜିତ କାର୍ଯ୍ୟକ୍ରମରେ କଲେଜ ଆଇ. ସି. ସି ସମ୍ପାଦିକା ମଞ୍ଜୁଳା ସାହୁ ସ୍ଵାଗତ ଅଭିଭାଷଣ ଦେବା ସହ ମଞ୍ଚ ପରିଚାଳନା କରିଥିଲେ । ଯୌନ ନିର୍ଯାତନା ଉପରେ ଅଧ୍ୟାପକ ତଥା ଆଇ.ସି.ସି ସଦସ୍ୟ ଦିଲ୍ଲୀପ କୁମାର ନାୟକ, ଅଧ୍ୟାପକ ଜଗନ୍ନାଥ ଦାସ ପୋଷ ୨୦୧୩ ଏବଂ ୨୦୧୫ ନିୟମାବଳୀକୁ ବୁଝାଇବା ସହ ମୂଲ୍ୟବାନ ମନ୍ତବ୍ୟ ପ୍ରଦାନ କରିଥିଲେ । ଆଇ.ସି.ସିର ଛାତ୍ରୀ ସଦସ୍ୟ ଭାବରେ ସାଇ ଶକ୍ତି ସାହୁ ମଧ୍ୟ ଛାତ୍ରୀ ମାନଙ୍କ ସୁରକ୍ଷା ଉପରେ ତଥ୍ୟ ପ୍ରଦାନ କରିଥିଲେ। ଅଧ୍ୟୟନ କରୁଥିବା ସମସ୍ତ ଛାତ୍ରୀ ସହ କାର୍ଯ୍ୟରତ ଅଧ୍ୟାପିକା କଲେଜ ପରିସର ମଧ୍ୟରେ ସଂପୂର୍ଣ୍ଣ ସୁରକ୍ଷିତ ଏବଂ ସେମାନଙ୍କ ପ୍ରତି କୌଣସି ପ୍ରକାର ମାନସିକ ଏବଂ ଶାରୀରିକ ନିର୍ଯାତନା ଗ୍ରହଣ ଯୋଗ୍ୟ ନୁହେଁ ବୋଲି ନିଜ ଅଭିଭାଷଣରେ ମତ ବ୍ୟକ୍ତ କରିଥିଲେ । ନାରୀ ସୁରକ୍ଷାକୁ ଆଧାର କରି ସଚେତନତାର ସ୍ଲୋଗାନ ତଥା ଶପଥ ପାଠ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଅଧ୍ୟାପକ ଡାଃ ସନ୍ତୋଷ ନାୟକ, ଭୁବନ ମୋହନ ସାହୁ, ବିଶ୍ୱ ବିହାରୀ ଦଳେଇ, ପ୍ରମୋଦ କୁମାର ନାୟକ, ଲିଜା ଲିନ ଭୋଇଙ୍କ ସମେତ ସମସ୍ତ ଅଧ୍ୟାପକ ଅଧ୍ୟାପିକା ଏବଂ କଲେଜର ସମସ୍ତ ଛାତ୍ର ଛାତ୍ରୀ ତଥା ଅଣ ଶିକ୍ଷକ କର୍ମଚାରୀ ଉପସ୍ଥିତ ଥିଲେ।
Popular Categories
Previous article
Next article