ଆଠଗଡ: ବରିଷ୍ଠ କଂଗ୍ରେସ ନେତା ତଥା ଆଠଗଡ ଓ ଟାଙ୍ଗୀ-ଚୌଦ୍ୱାରର ପୂର୍ବତନ ବିଧାୟକ ରସାନନ୍ଦ ସାହୁଙ୍କ ପ୍ରଥମ ଶ୍ରାଦ୍ଧ ବାର୍ଷିକୀରେ ଆଠଗଡ ଯୁବ କଂଗ୍ରେସ ପକ୍ଷରୁ ଶ୍ରଦ୍ଧ୍ଞ୍ଜଳି ଅର୍ପଣ କରାଯାଇଛି। ଏହି ଅବସରରେ ଯୁବ କଂଗ୍ରେସ ନେତା ଓ କର୍ମୀ ସ୍ବର୍ଗତ ସାହୁଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପରେ ଏକ ସ୍ମୃତି ସଭାରେ ତାଙ୍କର ସୃତିଚାରଣ କରିବା ସହିତ ଦୁଇ ମିନିଟ ନୀରବ ପ୍ରାର୍ଥନା କରିଥିଲେ। ଏହାପରେ ଜିଲ୍ଲା ଯୁବ କଂଗ୍ରେସ ଉପସଭାପତି ତଥା କାଉନସିଲର ମନୋରଞ୍ଜନ ପଟ୍ଟନାୟକଙ୍କ ନେତୃତ୍ବରେ କଂଗ୍ରେସ ନେତା ଓ କର୍ମୀ ଆଠଗଡ ଉପଖଣ୍ଡ ଚିକିତ୍ସାଳୟ ଯାଇ ରୋଗୀମାନଙ୍କୁ ଫଳ ବଣ୍ଟନ କରିଥିଲେ। ଏହି କାର୍ଯ୍ୟକ୍ରମରେ ଯୁବ କଂଗ୍ରେସ ନେତା ପ୍ରଶାନ୍ତ ପାଇଲଟ, ସମ୍ବିତ ଦଳାଇ, ଶିରିଶ ଧଳ, ବିକ୍ରମରାୟ ସାମନ୍ତ, ରଜତ ସାହୁ, ପ୍ରଭୂଦତ୍ତ ବେହେରା, ସଂଗ୍ରାମ ବେହେରା, ଅଭିନାଶ ପ୍ରଧାନ ପ୍ରମୁଖ ଯୋଗଦେଇ ସ୍ବର୍ଗତ ସାହୁଙ୍କ ପ୍ରତି ଶ୍ରଦ୍ଧାସୁମନ ଅର୍ପଣ କରିଥିଲେ।
Comments are closed.