ଭୁବନେଶ୍ୱର : ଡିସେମ୍ବର ୮ ତାରିଖରୁ ଚାଷୀଙ୍କୁ ମିଳିବ ଇନପୁଟ ସବ୍ସିଡି । ବରଗଡ ସୋହେଲାରେ ଚାଷୀ ସମାବେଶରେ ଦିଆଯିବ ସବ୍ସିଡି । ଏନେଇ ସୂଚନା ଦେଲେ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଗୁରୁବାର ଏହି ସୂଚନା ଦେଇ ମନ୍ତ୍ରୀ କହିଛନ୍ତି, ୨୦ ତାରିଖରୁ ବରଗଡ ଜିଲାରୁ ଧାନ କିଣା ଆରମ୍ଭ ହେବ । ରାଜ୍ୟ ସରକାର ଦେବାକୁ ଥିବା ୮ ଶହ ଟଙ୍କା ୮ ତାରିଖରୁ ଦେବା ଆରମ୍ଭ ହେବ ।୨୦ ତାରିଖରୁ ଯେଉଁମାନେ ଧାନ ଦେଇଥିବେ, ୮ରେ ସବ୍ସିଡି ଟଙ୍କା ପାଇବେ । କେନ୍ଦ୍ରର ୨୩ ଶହ ଟଙ୍କା ଗୋଟିଏ ଆକାଉଣ୍ଟରୁ, ରାଜ୍ୟ ଟଙ୍କା ଅନ୍ୟ ଆକାଉଣ୍ଟରୁ ଯିବ । ୮ ତାରିଖ ପରେ ଚାଷୀମାନେ ସବ୍ସିଡି ଟଙ୍କା ୪୮ ଘଣ୍ଟା ମଧ୍ୟରେ ପାଇଯିବେ । ୧୫ ତାରିଖରୁ ପର୍ଯ୍ୟାୟ କ୍ରମେ ମିଳିବାକୁ ଥିବା ଟୋକନ ଅବଧି ମାସେ ରହିବ । ଜିଲ୍ଲାପାଳଙ୍କୁ କ୍ଷମତା ଦିଆଯାଇଛି, ଆଉ ୭ ଦିନ ବଢାଇ ପାରିବେ । ଚଳିତ ବର୍ଷ ୧୭ ଲକ୍ଷରୁ ଅଧିକ ଚାଷୀ ଧାନ ବିକ୍ରି ପାଇଁ ପଞ୍ଜୀକୃତ କରିଛନ୍ତି ବୋଲି ମନ୍ତ୍ରୀ କହିଛନ୍ତି ।
ଜାଣନ୍ତୁ.. ହ୍ୱାଟ୍ସଆପ୍ ଆଣିଲା ଜବରଦସ୍ତ ଫିଚର୍; ଏବେ ଚାଟ୍ କରିବା ହେବ ଖୁବ୍ ସହଜ..ମିଳିବ ଏହି ସୁବିଧା..
Comments are closed.