ଜାଣନ୍ତୁ.. ହ୍ୱାଟ୍ସଆପ୍ ଆଣିଲା ଜବରଦସ୍ତ ଫିଚର୍; ଏବେ ଚାଟ୍ କରିବା ହେବ ଖୁବ୍ ସହଜ..ମିଳିବ ଏହି ସୁବିଧା..
ନୂଆଦିଲ୍ଲୀ : ଦୁନିଆର ସବୁଠାରୁ ଲୋକପ୍ରିୟ ତୁରନ୍ତ ମେସେଜିଙ୍ଗ୍ ପ୍ଲାଟ୍ଫର୍ମରୁ ଗୋଟିଏ ହେଉଛି ହ୍ୱାଟ୍ସଆପ୍ । ଉପଭୋକ୍ତାଙ୍କୁ ସୁବିଧା ଓ ସେମାନଙ୍କର ଆବଶ୍ୟକତାକୁ ଦୃଷ୍ଟିରେ ରଖି ହ୍ୱାଟ୍ସଆପ୍ ଦିନକୁ ଦିନ ନୂଆ ନୂଆ ଫିଚର୍ ଆଣୁଛି । ଉପଭୋକ୍ତାଙ୍କୁ ସୁବିଧା ପ୍ରଦାନ ପାଇଁ ହ୍ୱାଟ୍ସଆପ୍ ଆଣିଛି ଏକ ନୂଆ ଜବରଦସ୍ତ ଫିଚର୍ ।
ମେଟାର ସିଇଓ ମାର୍କ ଜୁକରବର୍ଗ ନିକଟରେ ନୂଆ ‘କଷ୍ଟମ୍ ଲିଷ୍ଟସ’ ଫିଚର୍ର ଘୋଷଣା କରିଛନ୍ତି। ଏହି ଫିଚର୍ ସାହାଯ୍ୟରେ ଉପଭୋକ୍ତା ନିଜ ପ୍ରିୟ ସମ୍ପର୍କୀୟ ଓ ଗ୍ରୁପ୍କୁ ଭିନ୍ନ ଭିନ୍ନ ବର୍ଗରେ ରଖିପାରିବେ । ଏହାସହ ଖୁବ୍ ସହଜରେ ନିଜ ବନ୍ଧୁ, ସମ୍ପର୍କୀୟ ଓ ଅନ୍ୟ ଲୋକଙ୍କ ସହ ଚାଟିଙ୍ଗ୍ କରି ପାରିବେ । ଧିରେ ଧିରେ ଏହି ଫିଚର୍କୁ ଆଣ୍ଡ୍ରଏଡ୍ ଓ ଆଇଓଏସ ବ୍ୟବହାରକାରୀଙ୍କ ପାଇଁ ପ୍ରସ୍ତୁତ କରାଯାଉଛି ।
ଏହି ଫିଚର୍ର ଲାଭ ଉଠାଇବା ପାଇଁ ଉପଭୋକ୍ତାଙ୍କୁ ପ୍ରଥମେ ନିଜର ହ୍ୱାଟ୍ସଆପ୍ ଅପଡେଟ୍ କରିବାକୁ ପଡିବ । ଏହାପରେ ଚାଟ୍ ଟ୍ୟାବ୍କୁ ଯିବା ପରେ ଲିଷ୍ଟ୍କୁ ଯାଇ ‘+’ ଆଇକନ୍ ଉପରେ କ୍ଲିକ୍ କରିବାକୁ ପଡିବ । କଷ୍ଟମ୍ ଲିଷ୍ଟ୍ ଫିଚର୍ ସାହାଯ୍ୟରେ ନିଜର ପସନ୍ଦର ତାଲିକା କରି ପାରିବେ ।
ଜାଣନ୍ତି କି ସୁପରଷ୍ଟାର ଶାହାରୁଖ୍ ପିନ୍ଧିଥିବା ଏହି ଘଣ୍ଟାର ଦାମ୍ କେତେ..
ଯେଉଁମାନେ ନିଜ ପସନ୍ଦର ଚାଟ୍ ତାଲିକା ପାଇଁ ଇଚ୍ଛୁକ ସେମାନଙ୍କ ପାଇଁ ଏହି ଫିଚର୍ ବେଶ ଲାଭଦାୟକ ହେବ । ଏହି ଫିଚର୍ ସାହାଯ୍ୟରେ ପରିବାର, ବନ୍ଧୁ, କର୍ମକ୍ଷେତ୍ର ସହ ଜଡିତ ବ୍ୟକ୍ତି ବିଶେଷଙ୍କୁ ମଧ୍ୟ ଭିନ୍ନ ବର୍ଗରେ ରଖିପାରିବେ ।
ବର୍ତ୍ତମାନ ସମୟରେ ହ୍ୱାଟ୍ସଆପ୍ ଉପଭୋକ୍ତାଙ୍କ ପାଇଁ ସବୁଠାରୁ ଉପଯୋଗୀ ଆପ୍ ବୋଲି ପ୍ରମାଣିତ ହୋଇଛି । ପରିବାର ଠାରୁ ଆରମ୍ଭ କରି ଅଫିସ୍ କାମରେ ଲୋକେ ଗ୍ରୁପ୍ କରି ସହଜରେ ନିଜ କାମ କରି ପାରୁଛନ୍ତି । ଏହି ଚାଟିଙ୍ଗ୍ ଆପ୍ରେ ଗ୍ରୁପ୍ ଭିଡିଓ କଲ୍ କରିବା ଭଳି ଫିଚର୍ ମଧ୍ୟ ରହିଛି । ଏହାସହ ଅନ୍ୟ ଫିଚର୍ ମଧ୍ୟ ରହିଛି, ଯାହା ସାହାସ୍ୟରେ ଖୁବ୍ ସହଜରେ କାମ କରି ହେଉଛି ।
ବର୍ତ୍ତମାନ ସମୟରେ ଟେକ୍ନୋଲୋଜି ଯୁଗରେ ହ୍ୱାଟ୍ସଆପ୍ ଅପଡେଟ୍ ରଖିବା ପାଇଁ ପ୍ରତିଦିନ ନୂଆ ଫିଚର୍ ଯୋଡାଯାଉଛି, ଯାହା ବର୍ତ୍ତମାନର ସମୟର ଆବଶ୍ୟକତା ଏବଂ ବ୍ୟବହାରକାରୀଙ୍କ କାର୍ଯ୍ୟକୁ ସହଜ କରିଥାଏ । ‘କଷ୍ଟମ୍ ଲିଷ୍ଟସ’ ଫିଚର୍ ସାହାଯ୍ୟରେ ଆପଣ ସହଜରେ ଗ୍ରୁପ୍ ସୃଷ୍ଟି କରିପାରିବେ, ଚାଟ୍ କରିପାରିବେ ଏବଂ ବାରମ୍ବାର ସର୍ଚ୍ଚ କରିବାକୁ ମଧ୍ୟ ପଡିବ ନାହିଁ ।
ଦେଖନ୍ତୁ ଭିଡିଓ; ହଠାତ୍ ପଶି ଆସିଲା ଷଣ୍ଢ; ଲାଲ୍ ସାର୍ଟ ପିନ୍ଧିଥିବା ବ୍ୟକ୍ତିଙ୍କୁ..
Comments are closed.