ସମାଜ ଡିଜିଟାଲ ଡେସ୍କ: ଯୁବପିଢ଼ିଙ୍କ ପ୍ରିୟ ଖାଦ୍ୟ ମଧ୍ୟରୁ ପିଜା ଅନ୍ୟତମ। ଅନେକ ସମୟରେ ସେମାନେ ପିଜା ଖାଇବାକୁ ପସନ୍ଦ କରିଥାଆନ୍ତି। ହେଲେ ସାମାଜିକ ଗଣମାଧ୍ୟମରେ ପ୍ରଘଟ ହେଉଥିବା ଏକ ଭିଡିଓ ପିଜାପ୍ରେମୀଙ୍କ ଏହି ପସନ୍ଦଯୋଗ୍ୟ ଖାଦ୍ୟକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ମଧ୍ୟପ୍ରଦେଶର ଜଣେ ଯୁବତୀ ପିଜା ଅର୍ଡର କରିଥିଲେ। ପିଜା ପହଞ୍ଚିବା ପରେ ସେଥିରୁ ଗୋଟିଏ ଖଣ୍ଡ ନେଇ ଖାଇବା ଆରମ୍ଭ କରିଦେଇଥିଲେ। ହେଲେ ଏହି ସମୟରେ ନଜର ପଡ଼ିଯାଇଥିବା ପିଜାର ଅନ୍ୟ ଅଂଶ ଉପରେ, ଯେଉଁଥିରେ ସାଲୁବାଲୁ ହେଉଥିଲେ ପୋକ। ଏହି ଦୃଶ୍ୟ ଦେଖି ମହିଳା ଜଣକ ତୁରନ୍ତ ଖାଉଥିବା ପିଜା ପାଟିରୁ ବାହାର କରିଦେଇଥିଲେ। ସେ ଏହାର ଏକ ଭିଡିଓ ପ୍ରସ୍ତୁତ କରି ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଭିଡିଓଟିରେ ଅନେକ ପୋକ ସାଲୁବାଲୁ ହେଉଥିବା ଦେଖିବାକୁ ମିଳିଛି। ସାମାଜିକ ଗଣମାଧ୍ୟମରେ ଅନେକ ଲୋକ ଏହାକୁ ଦେଖିବା ସହିତ ନାନା ପ୍ରକାର ପ୍ରତିକ୍ରିୟା ଦେଇଛନ୍ତି।
Bro Ordered a Pizza and Found out insect’s inside it, MP pic.twitter.com/x0WgXW6sQ3
— Ghar Ke Kalesh (@gharkekalesh) November 8, 2024
