ଧାମରା: ଧାମରା ନିକଟସ୍ତ କରଞମାଳ ପଂଚାୟତରୁ ଏକ ନବ ଜନ୍ମିତ ଶିଶୁ କନ୍ୟା ଉଦ୍ଧାର କରାଯାଇଛି। ପ୍ରାପ୍ତ ଖବରରୁ ପ୍ରକାଶ କରଞମାଳ ପଂଚାୟତ ମୁନିପଦା ଠାରେ ଏକ ନବଜନ୍ନିତ ଶିଶୁ କନ୍ୟାକୁ କେହି ମା’ ଜନ୍ମ ଦେବା ପରେ ଏକ ପଲିଥିନରେ ବାନ୍ଧି ରାସ୍ତା କଡରେ ଫିଙ୍ଗି ଦେଇ ଯାଇଥିଲା। ଶିଶୁ କନ୍ୟାର କାନ୍ଦ ଶୁଣି ମୁନିପଦା ଗ୍ରାମର ସୁମିତ୍ରା ମାଝୀ ସଂପୃକ୍ତ ଶିଶୁ କନ୍ୟାକୁ ଉଦ୍ଧାର କରି ଧାମରା ମେଡିକାଲକୁ ଆଣିଥିଲେ। ଧାମରା ମେଡିକାଲର ଡ ଜନ୍ମେଞୟ ବେହେରା ଏବଂ ଡ.ଜଶ୍ୱଶିନୀ ମିଶ୍ର ସଂପୃକ୍ତ ଶିଶୁକୁ ପ୍ରାଥମିକ ଚିକିତ୍ସା କରିବା ପରେ ୧୦୮ ଆମ୍ବୁଲାନ୍ସ ଯୋଗେ ଭଦ୍ରକ ଜିଲ୍ଲା ମେଡିକାଲକୁ ଉନ୍ନତ ଚିକିତ୍ସା ପାଇଁ ପଠାଇ ଦେଇଥିଲେ। ଡ.ଜନ୍ମେଞୟ ବେହେରାଙ୍କ କହିବାନୁଯାୟୀ ସଂପୃକ୍ତ ଶିଶୁ କନ୍ୟାକୁ କେହି ଜନ୍ମ କରିବା ପରେ ପଲିଥିନରେ ବାନ୍ଧି ଫିଙ୍ଗି ଦେଇ ଯାଇଛନ୍ତି। ସଂପୃକ୍ତ ଶିଶୁ କନ୍ୟାର ସ୍ୱାସ୍ଥ୍ୟବସ୍ଥା ଜଟିଳ ଥିବା ବେଳେ ମାତ୍ର ପ୍ରାଥମିକ ଚିକିତ୍ସା ପରେ ଶିଶୁ କନ୍ୟାକୁ ସ୍ଥାନାନ୍ତରିତ କରାଯାଇଛି।
ଅଧିକ ସମ୍ବାଦ ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://samajalive.in
ମୋବାଇଲରେ ସମ୍ବାଦ ପାଇବା ପାଇଁ ଏହି ଲିଙ୍କରେ କ୍ଲିକ କରି ଆମ ହ୍ଵାଟସ ଆପ ଗୃପରେ ଜଏନ କରନ୍ତୁ: https://chat.whatsapp.com/8tkc88wC0L7089V56S8SyG
ସମାଜ ଡିଜିଟାଲ ନିଉଜ ଅପଡେଟ ଚ୍ୟାନେଲରେ ଫଲୋ କରିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://whatsapp.com/channel/0029VaKt8Sq0gcfMSlTf6B43
