ଅସହାୟ ଅବସ୍ଥାରେ ଦିନମଜୁରିଆ ଭୀମ, ସହାୟତା ଦାବୀ

ହରଭଙ୍ଗା: ମଜୁରୀ କଲେ ଜଳେ ଚୁଲି। ଗତ ତିନିଧରି ଲଗାଣ ବର୍ଷା ଯୋଗୁଁ କାମଧନ୍ଦା ବନ୍ଦ। ହାତରେ ତେଲ ଲୁଣ କିଣିବାକୁ ପଇସାଟିଏ ନାହିଁ। ଗରିବଙ୍କ ପାଇଁ ଗ୍ରାମୀଣ ଆବାସରେ ପକ୍କା ଘର ମିଳୁଥିଲେ ବି ସେଥିରୁ ସେ ବଞ୍ଚିତ। ଏଭଳି ଅବସ୍ଥାରେ ଦୁଃଖ କଷ୍ଟରେ ଦିନ କାଟୁଥିବା ହରଭଙ୍ଗା ପଂଚାୟତ ଭେଜିଗୁଡା ଗ୍ରାମର ଭୀମସେନ ନାଏକ ଭଳି ଖଟିଖିଆ ଦିନ ମଜୁରିଆଙ୍କ ମୁଣ୍ଡ ଗୁଞ୍ଜିବା ପାଇଁ ମାଟି ଚାଳ ଛପର ଘରରୁ ମାଟି ଅତଡା ଖସିବା ସହିତ ଛାଉଁଣି ଛପର ଅଭାରୁ ଘରେ ପାଣି ଗଳୁଛି। ଆର୍ଥିକ ଅନାଟନ ଅବସ୍ଥାରେ ଜୀବନ କାଟୁଥିବା ଭୀମସେନ ବର୍ତମାନ କାଦୁଅ ଘରେ ଅକଥନୀୟ ଅବସ୍ଥାରେ ଦିନ କାଟୁଥିବା ଜଣାପଡିଛି। ତୁରନ୍ତ ତାଙ୍କୁ ଆଗ୍ରାଧିକାର ଭିତିରେ ପକ୍କା ଘର ସହିତ ଆର୍ଥିକ ସହାୟତା ଯୋଗାଇ ଦେବାକୁ ସମାଜସେବୀ ବିଶିକେଶନ ପ୍ରଧାନ ଦାବୀ କରିଛନ୍ତି। ଏ ଦିଗରେ ଜିଲ୍ଲାପାଳ ଦୃଷ୍ଟି ଦେବାକୁ ଦାବୀ ହେଉଛି।

ଅଧିକ ସମ୍ବାଦ ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://samajalive.in

ମୋବାଇଲରେ ସମ୍ବାଦ ପାଇବା ପାଇଁ ଏହି ଲିଙ୍କରେ କ୍ଲିକ କରି ଆମ ହ୍ଵାଟସ ଆପ ଗୃପରେ ଜଏନ କରନ୍ତୁ: https://chat.whatsapp.com/8tkc88wC0L7089V56S8SyG

ସମାଜ ଡିଜିଟାଲ ନିଉଜ ଅପଡେଟ ଚ୍ୟାନେଲରେ ଫଲୋ କରିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://whatsapp.com/channel/0029VaKt8Sq0gcfMSlTf6B43