ପାଟନା : ବିହାର ସରକାର ରାଜ୍ୟର ମହିଳାଙ୍କୁ ସରକାରୀ ଚାକିରି କ୍ଷେତ୍ରରେ ୩୫% ସଂରକ୍ଷଣ ସୁବିଧା କରିଛନ୍ତି। ଏ ନେଇ ମଙ୍ଗଳବାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ନେତୃତ୍ବାଧୀନ ରାଜ୍ୟ କ୍ୟାବିନେଟ୍ରେ ନିଷ୍ପତ୍ତି ନିଆଯାଇଛି। ରାଜ୍ୟ ସରକାରଙ୍କ ଏହି ନିଷ୍ପତ୍ତି ମହିଳାଙ୍କ ପାଇଁ ବଡ ବିଜୟ ଆଣିଦେଇଛି। ଚଳିତବର୍ଷ ବିହାରରେ ବିଧାନସଭା ନିର୍ବାଚନ ହେବାକୁ ଯାଉଥିବାବେଳେ ରାଜ୍ୟ ସରକାର ମହିଳାଙ୍କୁ ଆକୃଷ୍ଟ କରିବା ଲାଗି ଏପରି ବଡ ନିଷ୍ପତ୍ତି ନେଇଛନ୍ତି। ତେବେ ଏହି ସଂରକ୍ଷଣ ସୁବିଧା କେବଳ ବିହାରରେ ସ୍ଥାୟୀ ବସବାସ କରୁଥିବା ମହିଳାଙ୍କ ପାଇଁ ଲାଗୁ ହେବ। ଅର୍ଥାତ୍ ଅନ୍ୟ ରାଜ୍ୟର ମହିଳା ବିହାର ସରକାରୀ ଚାକିରି ଲାଗି ଏହି ସଂରକ୍ଷଣ ସୁବିଧା ପାଇବେ ନାହିଁ। ମଙ୍ଗଳବାର ରାଜ୍ୟ କ୍ୟାବିନେଟ୍ରେ ୪୩ଟି ପ୍ରସ୍ତାବ ଗୃହୀତ ହୋଇଥିବାବେେଳ ଏହା ମଧ୍ୟରେ ପ୍ରମୁଖ ପ୍ରସ୍ତାବ ହେଉଛି ମହିଳାଙ୍କ ପାଇଁ ସଂରକ୍ଷଣ ସୁବିଧା। ତେବେ ଏହି ସଂରକ୍ଷଣ ସୁବିଧା ପାଇଁ ବିରୋଧୀ ଦଳ ନେତା ତେଜସ୍ବୀ ଯାଦବ ମଧ୍ୟ ଦୀର୍ଘ ଦିନ ହେବ ଦାବି କରିଆସୁଥିଲେ। ଆଜିର କ୍ୟାବିନେଟ୍ ନିଷ୍ପତ୍ତି ସମ୍ପର୍କରେ ନୀତୀଶ କୁମାର ସୋସିଆଲ ମିଡିଆ ଏକ୍ସର ଏକ ପୋଷ୍ଟରେ ଘୋଷଣା କରିଛନ୍ତି।
Popular Categories
Previous article
Next article