ନୀଳଗିରି : କର୍ଣ୍ଣାଟକରେ କଂଗ୍ରେସର ବିଜୟକୁ ନେଇ ନୀଳଗିରି କଂଗ୍ରେସ କର୍ମୀମାନେ ଉତ୍ସାହିତ ହୋଇ ପଡ଼ିଛନ୍ତି । ଆଗାମୀ ଦିନରେ ନୀଳଗିରିରେ କଂଗ୍ରେସ ଦଳକୁ ଅଧିକ ସକ୍ରିୟ କରିବାକୁ ଏହି କର୍ଣ୍ଣାଟକ ନିର୍ବାଚନ ଏକ ଆହ୍ୱାନ ବୋଲି ଦଳୀୟ କର୍ମୀମାନେ ମତବ୍ୟକ୍ତ କରିଛନ୍ତି । ଏହି ଉପଲକ୍ଷେ ଶନିବାର ସନ୍ଧ୍ୟାରେ କଚେରୀ ବଜାର ଦୁର୍ଗାମଣ୍ଡପ ପ୍ରାଙ୍ଗଣରେ ଯୁବ କଂଗ୍ରେସ କର୍ମୀ ସୁଧାରଞ୍ଜନ ମହାପାତ୍ରଙ୍କ ନେତୃତ୍ୱରେ ଏକ ବିଜୟ ଉତ୍ସବ ଅନୁଷ୍ଠିତ ହୋଇଥିଲା । କର୍ମୀମାନେ ନିଜ ନିଜ ଭିତରେ ମିଠା ଖୁଆଇ ଓ ବାଣ ଫୁଟାଇ ଉତ୍ସବ ପାଳନ କରିଥିବା ଦେଖିବାକୁ ମିଳିଛି । ଏଥିରେ ନୀଳଗିରିର ପୂର୍ବତନ ବିଧାୟକ ଅକ୍ଷୟ ଆଚାର୍ଯ୍ୟ ଓ ଚିତ୍ତରଞ୍ଜନ ଷଡ଼ଙ୍ଗୀ, ବ୍ଲକ କଂଗ୍ରେସ ସଭାପତି ମନୋରଞ୍ଜନ ପଣ୍ଡା, ନଗର ସଭାପତି ଉପେନ୍ଦ୍ର ବେହେରା, କିଶାନ କଂଗ୍ରେସର ଯଶୋଦା ନନ୍ଦନ ସିଂହ, ପ୍ରଫୁଲ ବେହେରା, ଜୟଦେବ ବେହେରା, ପ୍ରୀତିଶଙ୍କର ମହାପାତ୍ର, ନୀଳମାଧବ ଦାସ, ଆଦର୍ଶ ଗୌରବ ଦାସ, ସୁରେନ୍ଦ୍ର ନାୟକ, କାହ୍ନା ରାଉତ, ଫିଲୋସ ସିଂହ, ତପନ ମାଣ, ବୁବୁ ନାୟକ ପ୍ରମୁଖ ସାମିଲ ଥିଲେ ।
Comments are closed.