ବାଲିଅନ୍ତା : ପାହାଳ ଥାନା ଅଧୀନ ୧୬ ନମ୍ବର ଜାତୀୟ ରାଜପଥରେ ସୋମବାର ରାତି ସାଢ଼େ ୧୧ଟା ସମୟରେ ଏକ ଦ୍ରୁତଗାମୀ କାର୍ ଭୁବନେଶ୍ବରରୁ କଟକ ଅଭିମୁଖେ ଯିବା ସମୟରେ ୨୨ ତାଲା ସମ୍ମୁଖରେ ଏକ କାର୍ ପଛକୁ ଧକ୍କା ଦେଇଥିଲା । ପଛରେ ଆସୁଥିବା ଏକ ୧୮ଚକିଆ ଟ୍ରକ୍ କାର୍ ଚାଳକଙ୍କୁ ବଞ୍ଚାଇବାକୁ ଯାଇ ଏପଟ ରାସ୍ତାରୁ ବିପରୀତ ରାସ୍ତାକୁ ଚାଲିଯାଇଥିଲା। ପଛକୁ ପଛ ତିନିଗୋଟି କାର୍ ଓ ଗୋଟିଏ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ରାଜପଥରେ ଟ୍ରାଫିକ୍ ସମସ୍ୟା ଦେଖା ଦେଇଥିଲା। ପାହାଳ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଟ୍ରାଫିକ୍ ନିୟନ୍ତ୍ରଣ କରିବା ସହିତ ଦୁର୍ଘଟଣା ଘଟାଇଥିବା କାର୍ ଓ ଚାଳକଙ୍କୁ ଥାନାକୁ ନେଇଥିଲେ। ଅନ୍ୟ ଗାଡ଼ିଗୁଡ଼ିକୁ ଥାନାକୁ ଅଣାଯାଇଥିବା ଥାନା ଅଧିକାରୀ କହିଛନ୍ତି । ଦୁର୍ଘଟଣାରେ କେହି ଗୁରୁତର ଆହତ ହୋଇ ନ ଥିବା ପୁଲିସ ସୂଚନା ଦେଇଛି।
Comments are closed.