ଚୌଦ୍ୱାର: ବରିଷ୍ଠ ସାମ୍ବାଦିକ ତଥା ଚୌଦ୍ୱାର ପ୍ରେସ୍ କ୍ଲବର ପ୍ରତିଷ୍ଠାତା ସଦସ୍ୟ ମନୋଜ କୁମାର ଦାସଙ୍କ ବିୟୋଗରେ ଶ୍ରଦ୍ଧାଞ୍ଜଳି ସଭା ସ୍ଥାନୀୟ ଶିଶୁସଦନରେ ଅନୁଷ୍ଠିତ ହୋଇ ଯାଇଛି। ହିନ୍ଦ୍ ସେବକ ସଂଘର ରାଷ୍ଟ୍ରୀୟ ଅଧ୍ୟକ୍ଷ ତଥା ପ୍ରେସ୍ କ୍ଲବ୍ ସଭାପତି ଦାମୋଦର ସାହୁ, ପୌରନିର୍ବାହୀ ଅଧିକାରୀ ସଂଜୀବ କୁମାର ମହାପାତ୍ର, ଶିକ୍ଷାବିତ୍ ପ୍ରଫୁଲ୍ଲ କୁମାର ସାହୁ, ଶିବ ପ୍ରସାଦ ପତି, ବୈରାଗୀ ଚରଣ ପ୍ରଧାନ,ଅଧ୍ୟାପକ ସୌରେନ୍ଦ୍ର ପଣ୍ଡା ପ୍ରମୁଖ ଏହି କାର୍ଯ୍ୟକ୍ରମରେ ଯୋଗଦେଇ ସ୍ୱର୍ଗତ ଦାସଙ୍କ ଜୀବନର ବହୁମୁଖୀ ପ୍ରତିଭା ଉପରେ ଆଲୋଚନା କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସାମ୍ବାଦିକ ସତ୍ୟବ୍ରତ ଦାସ, ମହେନ୍ଦ୍ର କୁମାର ବିଶ୍ୱାଳ, ମଳୟ କୁମାର ଷଢ଼ଙ୍ଗୀ, ପ୍ରକାଶ କୁମାର ନାୟକ, ବିଶ୍ୱଜିତ ଭଞ୍ଜ, ଅଜିତ୍ କୁମାର ସ୍ୱାଇଁ, ବିମଳ କୁମାର ବେଉରା, ଅଶୋକ କୁମାର ଦାସ, ଶଂକର୍ଷଣ ମହାପାତ୍ର, ସଂଜୀବ ତିୱାରୀଙ୍କ ସମେତ ବହୁ ସମ୍ବାଦଦାତା ଏଥିରେ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ହିନ୍ଦ୍ ସେବକ ସଂଘର ଆଜୀବନ ସଦସ୍ୟ ଗଙ୍ଗାଧର ସାହୁଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସାମ୍ବାଦିକ ଆଶୁତୋଷ ଦାସ, ସୁଧାକର ସାମନ୍ତରାୟ, ରଘୁନାଥ ସ୍ୱାଇଁ, ବନ୍ଦନା ମହାନ୍ତି, ପରେଶ ରଞ୍ଜନ ଓଝା, ଦୂର୍ଗେଶ ନାୟକ ପ୍ରମୁଖ ସ୍ୱର୍ଗତ ଆତ୍ମାପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ପ୍ରରମ୍ଭରେ ଶିଶୁସଦନର ଅନ୍ତେବାସୀ ମାନଙ୍କଦ୍ୱାରା ସମୁହ ବେଦ ଆବୃତ୍ତି, ସର୍ବଧର୍ମ ପ୍ରାର୍ଥନା,ଭକ୍ତି ସଂଗୀତ ଆଦି ପରିବେଷଣ କରାଯାଇଥିଲା।
Popular Categories
Previous article
Next article