ପାଟଣା: କେନ୍ଦୁଝର ଜିଲ୍ଲା ସାହାରପଡା ବ୍ଲକ ଅନ୍ତର୍ଗତ ଗଣ୍ଡବେଡା ଆଶ୍ରମ ବିଦ୍ୟାଳୟରେ ଅଭିଭାବକ ସହଭାଗିତା ବୈଠକରେ ଆମେ ଜାଣିବା ଜିଣିବା କାର୍ଯ୍ୟକ୍ରମ ପରିଚାଳନା କମିଟି ସଭାପତି ପଦ୍ମଚରଣ ନାଏକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ପ୍ରଧାନ ଶିକ୍ଷକ କଣ୍ଠରାମ ମହାନ୍ତ ଆମେ ଜାଣିବା ଜିଣିବାର ଅଭିମୁଖ୍ୟ ବିଦ୍ୟାଳୟର ଶୈକ୍ଷିକ ପରିବେଶ ବିଷୟରେ ଏବଂ ଶିକ୍ଷକ ବେଣୁଧର ବେହେରା ଅନ୍ତେବାସୀ ମାନଙ୍କର ସୁରକ୍ଷା ଓ ନିରାପତ୍ତା ବ୍ୟବସ୍ଥା ବିଷୟରେ, ଶିକ୍ଷକ ବିକାଶ କୁମାର ତରେଇ ଛାତ୍ରଛାତ୍ରୀ ମାନେ ପାଉଥିବା ସୁବିଧା ସୁଯୋଗ ଉପରେ ଆଲୋକପାତ କରିଥିବା ବେଳେ ଶିକ୍ଷୟତ୍ରୀ ଯଶୋବନ୍ତି ବେହେରା ସ୍ୱାଗତ ଭାଷଣ ଓ ଜୀବନ କୌଶଳ ଶିକ୍ଷା ବାବଦରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମ ରେସାହାରପଡା କୃଷି ବିଭାଗ, ଆଇସିଡିଏସ, ସାହାରପଡା ସ୍ୱାସ୍ଥ୍ୟ ବିଭାଗ ଉଦୟପୂର ଏବଂ ଓଡିଶା ମିଲେଟ୍ ମିଶନ ତରଫରୁ ପ୍ରଦର୍ଶନୀ ମଣ୍ଡପ ରହିଥିଲା। ଯେଉଁ ମଣ୍ଡପରେ ମିଲେଟରୁ ପ୍ରସ୍ତୁତ ହୋଇଥିବା ବ୍ୟଞ୍ଜନକୁ ଉପସ୍ଥିତ ଥିବା ଅଭିଭାବକ ଓ ଛାତ୍ରଛାତ୍ରୀ ମାନେ ଖାଇ ବେଶ ପ୍ରଶଂସା କରିଥିଲେ। ତେବେ ଏହି କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ମଞ୍ଚ ପରିଚାଳନା କରିଥିଲେ ଏବଂ ଶେଷରେ ଧନ୍ୟବାଦ ଅର୍ପଣ କରି ସଭା ଭଙ୍ଗ କରିଥିଲେ।
Popular Categories
Previous article
Next article