ଜି.ଉଦୟଗିରି : ସ୍ଥାନୀୟ ଜଗନ୍ନାଥ ମନ୍ଦିରରେ କମିଟି ସଦସ୍ୟଙ୍କ ଅନୁପସ୍ଥିତିରେ ପାଳିତ ହୋଇଯାଇଛି ନନ୍ଦ ଉତ୍ସବ । ପରମ୍ପରା ଅନୁଯାୟୀ ପବିତ୍ର ନନ୍ଦ ଉତ୍ସବ ଅବସରରେ ଗୁରୁବାର କଚେରୀ ସାହିରେ ଶ୍ରୀକୃଷ୍ଣ ଭକ୍ତ ମହାଆଡମ୍ବରରେ ପାଳନ କରିଛନ୍ତି ନନ୍ଦ ଉତ୍ସବ। ଜଗନ୍ନାଥ ମନ୍ଦିରରୁ ଠାକୁରଙ୍କୁ ବରଣ କରି ପାଲିଙ୍କିରେ ଧରି ନନ୍ଦ ରାଜା ବିଘ୍ନରାଜ ଜୁଣ୍ଡିଙ୍କ ଘରକୁ ପାଛୋଟି ଆଣିଥିଲେ ପ୍ରଭୁ ଭକ୍ତ। ପୁରୋହିତ ସୂର୍ଯ୍ୟ ନାରାୟଣ ଆଚାର୍ଯ୍ୟଙ୍କ ଦ୍ୱାରା ଠାକୁରଙ୍କ ନୀତି କାନ୍ତି ଅନୁସାରେ ପୂଜା ପାଠ ହୋମ ଯଜ୍ଞ, ବନ୍ଦନା କରା ଯାଇଥିଲା। ପୂଜା ମଣ୍ଡପରେ ଠାକୁରଙ୍କ ପୂଜା ଉତ୍ସବ ଦେଖିବା ପାଇଁ ଲୋକଙ୍କ ମନରେ ଖୁସୀର ଉତ୍ସାହ ଦେଖିବାକୁ ମିଳିଥିଲା। ନନ୍ଦ ଉତ୍ସବ ଅବସରରେ ଠାକୁରଙ୍କ ଅତି ପ୍ରିୟ ଦହି ଲହୁଣୀ ସହ ବିଭିନ୍ନ ଭୋଗ ରାଗ ଏହି ପୂଜାରେ ଲାଗିଥିଲା। ସେଠାରୁ ଠାକୁରଙ୍କୁ ସହର ପରିକ୍ରମା କରାଇ ଜଗନ୍ନାଥ ମନ୍ଦିରକୁ ଆଣିବା ପରେ ପ୍ରସାଦ ବଣ୍ଟନ କରାଯାଇଥିଲା।
Comments are closed.