ଦୁର୍ବ୍ୟବହାର ପାଇଁ ରାଜ୍ୟସଭାରୁ ନିଲମ୍ବିତ ହୋଇଥିବା ୧୨ ଜଣ ସଦସ୍ୟଙ୍କୁ ଅଧ୍ୟକ୍ଷ ଏମ ଭେଙ୍କୟା ନାଇଡୁ କହିଛନ୍ତି ଯେ ଯଦି ସେମାନେ ସେମାନଙ୍କ ଅନୁଚିତ ବ୍ୟବହାର ପାଇଁ ଦୁଃଖ ପ୍ରକାଶ କରିବେ, ଏବେ ନିଲମ୍ବନ ଆଦେଶ ସମ୍ପର୍କରେ ବିଚାର କରାଯିବ। ପରାଜ୍ୟସଭା ଅଧ୍ୟକ୍ଷ ଏମ ଭେଙ୍କୟା ନାଇଡୁ ଗୁରୁବାର ଟ୍ରେଜେରୀ ବେଞ୍ଚ ଏବଂ ବିରୋଧୀଙ୍କୁ ଏକ ଉପାୟ ବାହାର କରିବାକୁ କହିଥିଲେ ଯାହା ଫଳରେ ଗୃହ କାର୍ଯ୍ୟ ସୁରୁଖୁରୁରେ ଚାଲିପାରିବ।
ଶ୍ରୀ ନାଇଡୁ ଗୃହର ସମସ୍ତ ସଦସ୍ୟଙ୍କୁ ଆହ୍ୱାନ ଦେଇ କହିଛନ୍ତି, ସଦସ୍ୟମାନେ ଆଲୋଚନା କରି ଗୃହର ବାଧ୍ୟତାମୂଳକ କାର୍ଯ୍ୟ କରିବା ପାଇଁ ଏକ ଉପାୟ ଖୋଜି ବାହାର କରନ୍ତୁ। ଶ୍ରୀ ନାଇଡୁ କହିଛନ୍ତି ଯେ ମଣିଷ ହିଁ ଭୁଲ କରେ ଏବଂ ପରେ ସଂଶୋଧନ କରିଥାଏ। ନିଲମ୍ବିତ ସଦସ୍ୟମାନେ ସେମାନଙ୍କ ଖରାପ ଆଚରଣ ପାଇଁ ପ୍ରଥମେ କ୍ଷମା ମାଗନ୍ତୁ ଓ ତା ପରେ ନିଲମ୍ବନ ପ୍ରତ୍ୟାହାର ହେବ।
ସେ କହିଥିଲେ ଯେ ଅତୀତରେ କିମ୍ବା ବର୍ତ୍ତମାନ ହୋଇଥିବା ନିଲମ୍ବନ କେବଳ କିଛି ସଦସ୍ୟଙ୍କ ଖରାପ ଆଚରଣ ଯୋଗୁ ହୋଇଛି। ଗୃହରେ ବ୍ୟାଘାତକୁ ନେଇ ଦୁଃଖ ପ୍ରକାଶ କରି ନାଇଡୁ କହିଛନ୍ତି ଯେ ସଦସ୍ୟଙ୍କ ନିଲମ୍ବନକୁ ଉଭୟ ଗୃହ ତଥା ବାହାରେ ଅଗଣତାନ୍ତ୍ରିକ ବୋଲି କହିବା ବେଳେ ସେମାନଙ୍କ ନିଲମ୍ବନ ହେବାର କାରଣ ସମ୍ପର୍କରେ କୌଣସି ଶବ୍ଦ ମଧ୍ୟ କୁହାଯାଉ ନାହିଁ।
ସେ କହିଛନ୍ତି ଯେ ନିଲମ୍ବିତ ସଦସ୍ୟମାନେ ସେମାନଙ୍କ ଆଚରଣ ପାଇଁ ଅନୁତାପ କରିବାକୁ ଚାହୁଁ ନାହାନ୍ତି କିନ୍ତୁ ନିଲମ୍ବନ ନିଷ୍ପତ୍ତିକୁ ପ୍ରତ୍ୟାହାର କରିବାକୁ ଜିଦ୍ କରୁଛନ୍ତି। ଗଣତାନ୍ତ୍ରିକ ବ୍ୟବସ୍ଥାରେ ଏହା ଗ୍ରହଣୀୟ କି ବୋଲି ଶ୍ରୀ ନାଇଡୁ ପ୍ରଶ୍ନ କରିଛନ୍ତି। ଅତୀତରେ ନିଲମ୍ବିତ ସଦସ୍ୟମାନେ ଅନୁତାପ କରିବାରୁ ସେମାନଙ୍କ ଉପରୁ ନଲମ୍ବନ ଆଦେଶ ପ୍ରତ୍ୟାହାର କରାଯାଇଥିଲା।
