ନବରଙ୍ଗପୁର: ଜଣେ ଯୁବତୀଙ୍କୁ ବଳାତ୍କାର ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଜଳନ୍ଧର ହରିଜନକୁ ଜିଲା ଓ ଦୌରା ଜଜ ସଂଜୀବ ଦୁବେ ୧୦ ବର୍ଷ ସଶ୍ରମ କାରାଦଣ୍ଡ ସହିତ ୨୦ ହଜାର ଟଙ୍କା ଜରିମାନାରେ ଦଣ୍ଡିତ କରିଛନ୍ତି । ଜରିମାନା ଅନାଦେୟ ଅଧିକ ଏକ ବର୍ଷ କାରାଦଣ୍ଡ ଭୋଗିବେ ବୋଲି ରାୟ ପ୍ରକାଶ କରିଛନ୍ତି । ୨୦୨୧ ଜାନୁଆରୀ ୨୮ ତାରିଖ ରାତି ୯ଟାରେ ଯୁବତୀ ଜଣକ ଘର ପାଖ ପୋଖରୀରୁ ଶୌଚ ହୋଇ ଘରକୁ ଫେରୁଥିଲେ । ହିର୍ଲି ଗାଁର ଅଭିଯୁକ୍ତ ଜଳନ୍ଧର ଯୁବତୀଙ୍କ ପାଟିରେ ଗାମୁଛା ବାନ୍ଧି ତାଙ୍କୁ ବଳାତ୍କାର କରିଥିଲା । ଏନେଇ ଅଭିଯୁକ୍ତ ନାମରେ ଯୁବତୀଜଣକ ପାପଡାହାଣ୍ଡି ଥାନାରେ ଏତଲା ଦେଇଥିଲେ । ପାପାଡାହାଣ୍ଡି ଥାନାରେ କେସ ନମ୍ବର ୧୩/୨୧ରେ ଏକ ମାମଲା ରୁଜୁ କରି ପୁଲିସ ଅଭିଯୋଗ ଫର୍ଦ୍ଦ କୋର୍ଟରେ ଦାଖଲ କରିଥିଲେ । କୋର୍ଟ କେସ ନମ୍ବର ସିଟି ୨୩/୨୧ ରୁଜୁ କରି ମାମଲା ବିଚାରାଧୀନ ଥିଲା । ୩ ଜଣଙ୍କ ସାକ୍ଷୀ ପ୍ରମାଣକୁ ଭିତ୍ତିକରି ଜିଲା ଓ ଦୌରାଜଜ୍ ଶ୍ରୀ ଦୁବେ ଅଭିଯୁକ୍ତକୁ ଦୋଷୀ ସାବ୍ୟସ୍ତ କରି ଦଣ୍ଡାଦେଶ ପ୍ରଦାନ କରିଛନ୍ତି । ସରକାରଙ୍କ ପକ୍ଷରୁ ପବ୍ଲିକ ପ୍ରସିକ୍ୟୁଟର ସଚି ନନ୍ଦନ ସ୍ୱାଇଁ ମାମଲ ପରିଚାଳନା କରୁଥିଲେ ।
Comments are closed.