ମୁମ୍ବଇ : ମୁମ୍ବଇର ଚୁନାଭଟ୍ଟୀ ପୁଲିସ ଷ୍ଟେସନ ନିକଟରେ ସ୍ଥିତ କୁରେଶୀ ନଗରରେ ଏକ ହତ୍ୟାକାଣ୍ଡ ଘଟଣା ହଇଚଇ ସୃଷ୍ଟି କରିଛି । ଝିଅ ନିଜ ୬୨ ବର୍ଷୀୟ ମାଆକୁ ହତ୍ୟା କରିବା ପରେ ଥାନାକୁ ଯାଇ ନିଜ ଦୋଷ ସ୍ୱୀକାର କରିଛି ।
ମିଳିଥିବା ସୂଚନାନୁଯାୟୀ, ଅଭିଯୁକ୍ତ ଯୁବତୀଙ୍କୁ ଅନୁଭବ ହେଉଥିଲା, ମାଆ ତାକୁ କମ୍ ସ୍ନେହ କରୁଥିଲେ ଓ ବଡ ଭଉଣୀକୁ ଅଧିକ ସ୍ନେହ କରୁଥିଲେ । ମୃତ ମହିଳାଙ୍କ ନାମ ସବୀରା ଓ ଅଭିଯୁକ୍ତ ଯୁବତୀଙ୍କ ନାମ ରେଶମା (୪୧) ବୋଲି ଜଣାପଡିଛି । ପୁଲିସ ଏହି ମାମଲାରେ ଯୁବତୀଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି ।
ପୁଲିସ କହିଛି, ମାଆ-ଝିଅଙ୍କ ମଧ୍ୟରେ ଅନେକ ଦିନରୁ ବିବାଦ ଲାଗି ରହିଥିଲା । ଗତ ସନ୍ଧ୍ୟାରେ ଉଭୟଙ୍କ ମଧ୍ୟରେ ବିବାଦ ବଢିବା ସହ ହାତାହାତି ପରିସ୍ଥିତି ସୃଷ୍ଟି ହୋଇଥିଲା । ଏହାପରେ ରେଶମା ଘରେ ଥିବା ଛୁରୀରେ ମାଆକୁ ଆକ୍ରମଣ କରିବା ସହ ହତ୍ୟା କରିଥିଲା ।
ସବୀରା ନିଜ ପୁଅଙ୍କ ସହ ମୁମ୍ବ୍ରାରେ ରହୁଥିଲେ । ୨ ଜାନୁଆରୀରେ ନିଜ ଝିଅକୁ ଦେଖା କରିବାକୁ ଆସିଥିଲେ । ସେହି ସମୟରେ ରେଶମା ଝଗଡା କରିବା ଆରମ୍ଭ କରିଥିଲେ । ମାଆକୁ ହତ୍ୟା କରିବା ପରେ ପୁଲିସ ଥାନାକୁ ଯାଇ ଦୋଷ ସ୍ୱୀକାର କରିଥିଲେ । ଏହାପରେ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଥିଲା ।
୪ ଜାନୁଆରୀରେ ବୁଧ ଚଳନ; ଏହି ୫ ରାଶି ହେବେ ମାଲାମାଲ୍, ମିଳିବ ହଠାତ୍ ଧନ, ଖୋଲିବ ବନ୍ଦ ଭାଗ୍ୟର ତାଲା..
ଜାଣନ୍ତୁ କାହିଁକି ହୁଏ ବିବାହରେ ବିଳମ୍ବ, କେଉଁ ବୟସରେ ହେବ ଆପଣଙ୍କ ବିବାହ..
