ନୂଆଦିଲ୍ଲୀ: ଆଜି କେନ୍ଦ୍ର ମନ୍ତ୍ରୀମଣ୍ଡଳରୁ ମୁଖତାର ଆବ୍ବାସ ନକଭି ଇସ୍ତଫା ଦେଇଛନ୍ତି। ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ନିଜ ଇସ୍ତଫା ପତ୍ର ଦେଇଛନ୍ତି।
ରାଜ୍ୟସଭାର ସଦସ୍ୟ ଥିବା ମୁଖତାର ଆବ୍ବାସ ନକଭି କେନ୍ଦ୍ର ସରକାରଙ୍କ ସଂଖ୍ୟାଲଘୁ ବ୍ୟାପାର ମନ୍ତ୍ରାଳୟ ସମ୍ଭାଳୁ ଥିଲେ। ମୁଖତାର ଆବ୍ବାସ ନକଭିଙ୍କ କାର୍ଯ୍ୟକାଳ ଆସନ୍ତାକାଲି ଶେଷ ହେଉଛି। ଏହା ପୂର୍ବରୁ ସେ ଆଜି ନିଜ ପଦରୁ ଇସ୍ତଫା ଦେଇଛନ୍ତି। ଚଳିତ ଥର ବିଜେପି ପକ୍ଷରୁ ନକଭିଙ୍କୁ ରାଜ୍ୟସଭା ପଠାଯାଇ ନାହିଁ। ତେବେ ଦଳ ତାଙ୍କୁ କୌଣସି ଏକ ବଡ ଦାୟିତ୍ୱ ଦେଇପାରେ ବୋଲି ଆଲୋଚନା ହେଉଛି।
- Advertisement -
ଉଲ୍ଲେଖ ଯୋଗ୍ୟ ଯେ ମୋଦି ସରକାରଙ୍କ ଦୁଇ ମନ୍ତ୍ରୀଙ୍କ ରାଜ୍ୟସଭା ସଦସ୍ୟତା ଗୁରୁବାର ଶେଷ ହେବାକୁ ଯାଉଛି। ଏଥିରେ ମୁଖତାର ଆବ୍ବାସ ନକଭିଙ୍କ ବ୍ୟତୀତ ଜେଡିୟୁ କୋଟାରେ ଆର୍ସିପି ସିଂହଙ୍କ ନାଁ ମଧ୍ୟ ସାମିଲ ରହିଛି। ଏହି ଦୁଇ ନେତାଙ୍କ ପାଖରେ ଜୁଲାଇ ୬ ପରଠାରୁ କୌଣସି ବି ଗୃହର ସଦସ୍ୟତା ପଦ ରହିବ ନାହିଁ। ରାଜ୍ୟସଭା ସାଂସଦ ରୂପେ ଆଜି ଉଭୟଙ୍କ ଶେଷ ଦିନ ଥିଲା।
