ମୋହନା : ସ୍ଥାନୀୟ ସରକାରୀ ଉଚ୍ଚ ବିଦ୍ୟାଳୟ (ଏସଏସଡି) ପରିସରରେ ତାଲୁକ ଆଇନ ସେବା କମିଟି ଦ୍ୱାରା ଆୟୋଜିତ ବିଶ୍ୱ ମାନବଅଧିକାର ଦିବସ ଉପଲକ୍ଷେ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତ ବିଚାରପତି ତଥା ତାଲୁକ ଆଇନ ସେବା କମିଟି ଅଧ୍ୟକ୍ଷ ମାନସ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥିଭାବେ ମୋହନା ବିଡିଓ ବଂଶିଧର ଖୋସଲା, ସରକାରୀ ଓକିଲ ବୈଦ୍ୟନାଥ ସିଂ, ଆଦିତ୍ୟ ନାରାୟଣ ତ୍ରିପାଠୀ, ଦୁର୍ଯ୍ୟୋଧନ କରଡା, ରାଜେନ୍ଦ୍ର କୁମାର ନାୟକ, ପ୍ରଧାନ ଶିକ୍ଷକ ପୁର୍ଣ୍ଣଚନ୍ଦ୍ର ନାୟକ ଉପସ୍ଥିତ ଥିଲେ। କୋର୍ଟ କର୍ମଚାରୀ ସମିର ରାଜେନ୍ଦ୍ର ପାତ୍ର, ନିହାର ରଞ୍ଜନ ପାତ୍ର, ବନମାଳି ମିଶ୍ର ଯୋଗ ଦେଇଥିଲେ। ଅତିଥିମାନେ ନିଜ ବକ୍ତବ୍ୟରେ ଉପସ୍ଥିତ ଛାତ୍ରଛାତ୍ରୀମାନଙ୍କୁ ବିଶ୍ୱ ମାନବ ଅଧିକାର ସମ୍ବନ୍ଧୀୟ ଆଇନ ଗୁଡିକ ଉପରେ ସଚେତନତା କରିଥିଲେ।
