ଖାଦ୍ୟ ବିଶେଷଜ୍ଞଙ୍କ ମତରେ ପ୍ରତ୍ୟେକ ବର୍ଗର ଲୋକେ ଏହି ଋତୁରେ ଆମ୍ବ ଖାଇବା ସ୍ବାସ୍ଥ୍ୟ ପାଇଁ ଉପକାରୀ। ତେବେ ମଧୁମେହ ରୋଗୀ ଆମ୍ବ ଖାଇବା ସମୟରେ ସତର୍କତା ଅବଲମ୍ବନ କରିବା ଉଚିତ। କାରଣ ଅଧିକ ପରିମାଣରେ ଖାଇଲେ ସେମାନଙ୍କ ରକ୍ତ ଶର୍କରା ବୃଦ୍ଧି ପାଇଥାଏ।
ଦିଲ୍ଲୀ ସ୍ଥିତ ନାମକରା ଚିକିତ୍ସାଳୟର ଖାଦ୍ୟ ବିଶେଷଜ୍ଞ ସୌମ୍ୟା ଶତାକ୍ଷୀଙ୍କ ମତରେ ଆମ୍ବରେ ପ୍ରଚୁର ପରିମାଣରେ ପୋଷକତତ୍ତ୍ବ ଭରପୂର ରହିଛି। ଭିଟାମିନ୍ ଏ, ଲୌହ, କପର, ପୋଟାସିୟମ୍ ଭରପୂର ଏହି ଫଳ ଖାଇଲେ ଶରୀରକୁ ଶକ୍ତି ମିଳେ।
ଭିଟାମିନ୍ ସି’ ଭରପୂର ଆମ୍ବ ଖାଇବା ଦ୍ବାରା ଶରୀରର ରୋଗପ୍ରତିରୋଧକ ଶକ୍ତି ମଧ୍ୟ ବଢ଼େ।
ଫାଇବର ତତ୍ତ୍ବ ପରିପୂର୍ଣ୍ଣ ଏହି ଫଳରେ ୧୫୦ କ୍ୟାଲୋରୀ ଥାଏ। ଆବଶ୍ୟକତାଠାରୁ ଅଧିକ ଖାଇଲେ ତାହା ସ୍ବାସ୍ଥ୍ୟ ପାଇଁ ହାନିକାରକ ହୋଇଥାଏ।
ଗ୍ରୀଷ୍ମରେ ଦ୍ବିପହର ଭୋଜନ ସମୟରେ ଆମ୍ବ ଖାଇବା ସ୍ବାସ୍ଥ୍ୟ ଉପରେ ଉତ୍ତମ ପ୍ରଭାବ ପକାଇଥାଏ ବୋଲି ପରୀକ୍ଷାରୁ ଜଣାପଡ଼ିଛି।
କୃତ୍ରିମ ଉପାୟରେ ପାଚିଥିବା ଆମ୍ବ ସ୍ବାସ୍ଥ୍ୟ ଉପରେ କୁପ୍ରଭାବ ପକାଇଥାଏ।
କଞ୍ଚା ଆମ୍ବକୁ ମଧ୍ୟ ବିଭିନ୍ନ ବ୍ୟଞ୍ଜନରେ ବ୍ୟବହାର ଖାଇବା ଉପକାରୀ।