ମାଲକାନଗିରି- ଛତିଶଗଡ ସିମାନ୍ତ ବିଜାପୁର ଜିଲ୍ଲାରେ ସୁରକ୍ଷା କର୍ମୀ ଓ ମାଓବାଦୀଙ୍କ ମଧ୍ୟରେ ଜୋରଦାର ଗୁଳି ବିନିମୟ ହୋଇଛି । ସୁରକ୍ଷା କର୍ମୀଙ୍କ ଗୁଳିରେ ୧୨ ଜଣ ମାଓବାଦୀ ନିହତ ହୋଇଛନ୍ତି । ଘଟଣାରେ ୩ ଜଣ ଡିଆରଜି ଜବାନ ସହିଦ ହୋଇଛନ୍ତି । ସହିଦ ଜବାନ ମାନେ ହେଉଛନ୍ତି ମନୁ ବଡାଡି, ଟୁକାରୁ ଗୋଣ୍ଡେ ଓ ରମେଶ ସୋଡି ।
ଘଟଣା ସ୍ଥଳରୁ ମାଓବାଦୀଙ୍କ ଝଖଜ ଓ ଓଘଝଇଝ ବନ୍ଧୁକ ସହ ବିପୁଳ ମାତ୍ରାରେ ବିସ୍ଫୋରକ ସାମଗ୍ରୀ ଜବତ କରିଛନ୍ତି ସୁରକ୍ଷା କର୍ମୀ । ଗାଙ୍ଗାଲୁର ଜଙ୍ଗଲରେ ଏହି ଏନକାଣ୍ଟର ହୋଇଥିବା ବେଳେ ମାଓବାଦୀଙ୍କୁ ଘେରି ରହିଛନ୍ତି ଶତାଧିକ ଜବାନ । ସର୍ଚ୍ଚ ଅପରେସନ ଲାଗି ବିଜାପୁର ରୁ ଆହୁରି ଅଧିକ ଜବାନ ଘଟଣା ସ୍ଥଳକୁ ଯାଇଥିବା ନେଇ ସୁଚନା ଦେଇଛନ୍ତି ବିଜାପୁର ଏସପି ।
