ରାମନାଗୁଡା: ରାୟଗଡ଼ା ଜିଲ୍ଲା ଗୁଡାରି ଥାନା ଅନ୍ତର୍ଗତ ଗୁମୁଡା ଫାଣ୍ଡି ଅଧିନସ୍ଥ ସଦରରେ ସୋମବାର ବିଳମ୍ବିତ ରାତିରେ ଗୁମୁଡ଼ା ତେଜରାତି ଦୋକାନରୁ ଚୋରି ହୋଇଥିବା ଅଭିଯୋଗ ହୋଇଛି। ମିଳିଥିବା ସୂଚନା ଅନୁଯାୟୀ ଉକ୍ତ ଘଟଣା ରାତିରେ ଗୁମୁଡ଼ା ସ୍ଥିତ ଶିବରାମପୁର ତୃତୀୟ ଲାଇନ ରହୁଥିବା ତେଜରାତି ଦୋକାନର ମାଲିକ ସନ୍ତୋଷ କୁମାର ଚୌଧୁରୀ ପ୍ରତ୍ୟେକ ଦିନ ଭଳି ଘଟଣା ଘଟିଥିବା ରାତିରେ ମଧ୍ୟ ଦୋକାନ ବନ୍ଦ କରି ଘରକୁ ଯାଇଥିଲେ। ମଙ୍ଗଳବାର ଦିନ ସକାଳେ ଦୋକାନକୁ ଆସି ଦେଖିବା ବେଳକୁ ଦୋକାନରେ ତାଲା ନଥିବା ଦେଖିବାକୁ ପାଇଥିଲେ। ଏହାସହ ଦୋକାନରେ ରଖିଥିବା ନଗଦ ୧ଲକ୍ଷ ଟଙ୍କା ନଥିବା କହିଛନ୍ତି। ଘଟଣା ସମ୍ପର୍କରେ ଖବର ପାଇ ଗୁମୁଡା ଫାଣ୍ଡି ଅଧିକାରୀ ରବି ନାରାୟଣ ସ୍ୱାଇଁ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିବା ସହ ଏହାର ତଦନ୍ତ ଦାୟିତ୍ବ ଗୁଡାରି ସବଇନ୍ସପେକ୍ଟର ଅନିରୁଦ୍ଧ ଜାନିଗ୍ରହଣ କରିଥିବା ଜଣାପଡ଼ିଛି। ଗୁଡାରି ଥାନାରେ ଏକ ଚୋରି ମାମଲା ରୁଜୁ ହୋଇଥିବା ସୂଚନା ମିଳିଛି।
Comments are closed.